CHUNGH 82
Kuh Thank Guon Soeu Mangso
1 Mangso ka nyah maukhung huom mha joqyos yoeus.
Nyang mangso jens mas nyah soetuon cho hoeuh kat.
2 Namoq ma jus khyvlyis soetuon cho no chah,
namoq lhung bang yah yoh xonh das zis ma nghuot. (Selah)
3 Shohjyen bang yahge chauhlo jens lyis gos dyei geh.
Yaukyenh bang yahge yuot shet bang lyis lyi jus khyvlyis kuot geh.
4 Nyamoq lyis ma gis bang dah yomsoq masyah khyuot kat chah.
5 Mangso jens gas cha ma seq, cha ma daq gyo.
Nyamoq gas dyoqbis goeus,
lyi jus cho ka mungkvn masyah dyuk loh goeus.
6 Namoq gas mangso jens nghuot,Ref 82.6: Yh 10.34
namoq dvnganh gas Nyhang Thank lo jens nghuot.
7 Nghuot laus eq namoq gas dius jens teh shei das,
nah kang ka zaulo jens teh thank loh das, oen ngos taiq.
8 Mangso eh, los aq, mungkvn lyis guon aq,
dius nyau dvnganh gas nah zis nghuot.