CHUNGH 80
Israel lyis Doms Toeu das
1 Israel dius nyau ge dah yvng phung lyis yoeuh Soeu eh, gyo dyei aq;Ref 80.1: Dyu 25.22
Hauh yvng phung dah uhshe soeu eh, gyo yoeus dyei aq.
Kherubim jo nah hwankti tank mas tsung toh soeu eh!
2 Ephraim, Benyamin yahge Manase vkoq jens lyis thuq xoeuq las
nah yom chixoeuq zis yah ngamoq lyis los khyuot yoeus aq.
3 Mangso eh, ngamoq lyis doms toeu lha,
nah nhaiqnyen cho chixoeuq lyis
ngamoq khyuot yoeus zis xauh das.
4 Yomzains Yhensain Mangso eh,
nvng khanhamp jweh shoq nah dius jens dung dang lyis nhaiqyo toh das lah?
5 Nvng nyamoq lyis nyoqdyeis wom tsoh las
nyoqdyeis nyoshoq shuk nhang.
6 Nvng ngamoq yvmlhaink mas dah dius nyau jens lyis ngamoq mau lyis zan nhang lha;
ngamoq dah jeswus jens ngamoq lyis laihwangh.
7 Maukhung Jesphung Mangso eh, ngamoq lyis doms toeu lha,
nah nhaiqnyen cho chixoeuq lyis ngamoq khyuot zis xauh das.
8 Nvng gas Egutu mas dah zvbiq nwis dvkoeuq yoeus los las,
dius nyau jens lyis khat tyamp zis yah hauh yvlyis tsungh toh.
9 Nvng hauh zis yuk das nyhenshang joqyos dvkoeuq shang kat las
nyah vnyet chent zis yah dvmau gonh dyos joq.
10 Nyah siyet gas jing lyis,
vko ka nyhang thank arit zains lyis nghop toh.
11 Nyah vko ka Mediteranean Thomh jweh shoq lywas loh las
Uphrat Lvng hweq chent loh.
12 Nvng chamus khyam lhaink toh zis thyoq tyamp?
Gvshih houmha suh lai bang hank eq hauh zvbiq shih yoh khauh zo.
13 Wuqau jens yah nang nheh,
14 Yomzains Mangso eh, ngamoq jyank pheh tauh los aq!
Maukhung masyah ngamoq lyis yoeuh dyei aq.
Nah dius jens lyis los khyuot yoeus aq.
15 Hai nvng tsungh toh dah zvbiq nwis lyis los khyuot yoeus aq.
Nvng haih zvbiq nwis noeuh lyis kuh yangh los nhang.
16 Ngamoq dah jeswus jens gas hauh yvlyis nyi ngheq zis yah zan tyamp.
Nyamoq lyis nhaiqyo zis yah yoeuh aq, mhont aq.
17 Nvng yombos nhang dah dius nyau,
nvng khyen toh dah dius jens lyis gos las gomh toh dyei aq.
18 Ngamoq nah jyank masyah khanhamp eq nungs ma phuk loh lo das,
ngamoq lyis kang dwis nhang aq, ngamoq nvng lyis chungh das.
19 Yomzains Yhensain Mangso eh,
ngamoq lyis shwih tauh los aq.
Ngamoq khyuot yoeus zis xauh bas jungh
nah nhaiqnyen cho jenh chixoeuq aq.