CHUNGH 62
Mangso Gos Cho Nghamhnywe
Ngos lyis Mangso khyuot yoeus das zis ehnyet xing xing langh nyeis;
ngos nyang lyis kyingh dvnges.
Nyang kyingh ngos lyis khyuot yoeus las gos toh dyei.
Nyang ngos lyis khomp toh dyei soeu nghuot.
Ngos khanhamp eq ma somh loh das.
 
Gyop gyoh joq tyoyvm thoq lyis yom ma bos dah dius dvyuk lyis
namoq dvnganhmoq khanyhank jweh shoq zan nyeis das lah?
Nvng gas nyah nyoqnho ngelang khyoq das zis kyingh o nyeis;
nvng gas hwah yvlyis ngwis.
Nvng shvmanh dah dang taiq nyeis laus eq
ungkhau mha ka nyang lyis nhoengh nyeis. (Selah)
 
Ngos Mangso lhyi kyingh nges toh;
Ngos nyang mas nghamhloms toh.
Nyang kyingh ngos lyis khyuot yoeus las gos toh dyei.
Nyang ngos lyis khomp toh dyei las ngos khanhamp eq somh loh das zis ma nghuot.
Ngah khyuot yoeus cho yahge ngah nyoqnho ngelang Mangso mha nghuot.
Yombos dah gos gas nyang nghuot.
Nyang ngah khaugus nghuot.
 
Ngah dius jens eh, Mangso lhyi vjangh loms nyeis geh.
Mangso ka yah khaugus nghuot yvmvyah nah chiqjyen cho dvnganh nyang lyis taiq kyoh aq, (Selah)
 
Dius dvnganh gas soq teh dvnghuot,
nyhang bang nyhen bang dvnganh gas cha phauh ma dap,
jvng mas kat laiq lyis nyamoq cha eq ma nghuot, soq thoq lyis zes siq.
10 Thyoq zo cho lhyi vloms, lhuot las dvja ja yoh das oen vnghamhloms;
dis cho je los lyis houmha nhaiq vtap.
 
11 Mangso dvlhain taiq goeus;
Yomsoq gas Mangso yah sen yvlyis aiq lhain xauhgyo goeus.
12  Yhensain eh, nyah jyetdap cho mathank magons nghuot.Ref 62.12: Yob 34.11; Yer 17.10; Mat 16.27; Rom 2.6; Nyoq 2.23
Nvng gas yuk khanghmuh lyis nyah muhzoh yah dvyhangteh dyei.