CHUNGH 6
Nyungdaus Uhlyis Dung
1 Yhensain eh, nvng ngos lyis nhaiqyo zis yah vyaus.
Nah ehnyet gywes zis yah ngos lyis yobos vdyei.
2 Yhensain eh, ngos nyungdaus lains loh nyeis yvmvyah, nhaiqnyen aq:
Yhensain eh, ngah shohyau khih nyeis yvmvyah yhoh dyei aq.
3 Ngah dyos svsoh yaukyenh nyeis:
Yhensain eh, nvng khanhamp jweh shoq ma pangh sheq nyeis das lah?
4 Yhensain eh, ngos lyis los khyuot kat aq.
Nah nhaiqnyen zis yah ngos lyis shei cho mhayah kyoeu kat aq.
5 Shei mau mas nvng lyis hank eq ma soh.
Houmha nvng lyis jyehjuh hank yoh soh das lah?
6 Ngos kuk zis yah nyungdaus nyeis;
ngos nyens yau nyens ngaus las yhetyos bam,
uhkhoeuq eq nyoqdyeis yah jyweq.
7 Kuk yvmvyah nyoqjeih ma nyvng lo;
ngah jeswus jens gvng mas ngos ngaus las nyoqjeih ma nyvng lo.
8 Ngos ngaus thwe lhyi Yhensain xauhgyo goeus yvmvyah;Ref 6.8: Mat 7.23; Luk 13.27
lyi ma chi muh kuot bang dvnganh, ngah jyank masyah gang loh geh.
9 Ngos dung dang lyis Yhensain gyo dyei;
ngos shvmanh dung yvlyis Yhensain lhom yoeus dyei das.
10 Ngah jeswus dvnganh xoq las yaukyenh zis xauh das:
Nyamoq xoqphuh las nyetlos nyettant tauh loh das.