CHUNGH 5
Gomh das xiklyis Dung
1 Yhensain eh, ngah dang kamp gyo dyei aq.
Ngos soqmuh nyhank yvlyis gyo dyei aq.
2 Ngah Hwankti yahge ngah Mangso eh,
ngos kaiq thwe lhyi gyo dyei aq:
khasoeh ge lyis ngos nvng lyis shvmanh dung nyeis.
3 Yhensain eh, nvng nvpsangh lyis ngah thwe xauhgyo.
Nvpsangh lyis ngos nvng lyis phudyei las langh nyeis.
4 Nvng gas lhung cho mha nhaiqdoeus dah Mangso ma nghuot.
Ma gis cho nvng yah yoh nyeis das zis ma nghuot.
5 Khwank bang nah nyoqlvtjvng mas yoh yap das zis ma nghuot.
Nvng lyi ma chi muh kuot bang dvnganh lyis hoeng.
6 Ma jus zis taiq bang lyis nvng mhont das.
Suih shet soeu yahge mhuihzo bang lyis Yhensain choqh.
7 Nghuot laus eq ngos gas nah kuhxing nhaiqnyen cho gvng mas,
nah yhen mha wvng das.
Nvng lyis phauh nyang gyukwoms zis yah,
nah gyingshang yhenmuh pheh xoeu lha paiq das.
8 Yhensain eh, ngah jeswus jens gvng mas
ngos lyis nah dan cho pheh shwih yoeus aq.
Ngah xikkhonh mas nah cho lhoq dan dyei aq.
9 Nyamoq nhuot mas jyoeng cho ma bos;Ref 5.9: Rom 3.13
nyamoq dah nhaiqlom lhoqthyoq cho yah dyingh joq;
nyamoq dah dang gas shei nhang zis nghuot.
Nyamoq dah lhyo yah seq mhuih.
10 Mangso eh, nyamoq dah yobos nyamoq lyis taiq kyoh aq.
Nyamoq joeui da yvmas nyamoq gyoh bas jungh.
Nyamoq ma shop bang nghuot yvmvyah
nah xikkhonh masyah khat tyamp aq:
khasoeh ge lyis nyamoq nvng lyis tyi lha gomloeus toq.
11 Nvng lyis khaunges bang dvnganh gausyis nyeis bas jungh.
Nyamoq vjangh gauslaus cho chunghthwe yoh kat.
Nvng lyis jyet bang lyis gomh dyei aq.
Nah gvng mas nyamoq jyoengh gauslaus nyeis.
12 Yhensain eh, nvng nah domsyos gyo bang lyis shvmanh dyei.
Nah jyet cho ka gos teh nyamoq lyis gomh toh dyei.