CHUNGH 47
Kuh Thank Guon Soeu
1 Dius dvnganh gausyis loq tyuk geh;
Mangso lhyi kaiq chungh geh.
2 Nyhang Thank Yhensain lhyi gyukwoms chah.
Nyeisjvng gonh dah Hwankti zainsmuh nghuot.
3 Nyang yang lyis ung cho dyei,
nyang yang lyis dius nyau jens lyis guon nhang.
4 Nyang yah xiklyis yang nyeis dah maunyeis khyen dyei,
nyang jyet dah dius jens sain dah vso khyen dyei. (Selah)
5 Mangso nyah hwankti tank pheh doq loh.
Yhensain doq loh nyeis lyis gaus las
kaiq thwe, lvbuh muot thwe bos.
6 Mangso lhyi chunghthwe kat geh,
yah Hwankti lhyi lvkhyank kat geh.
7 Mangso ka mungkvn gonh dah hwankti nghuot;
chunghthwe yah chungh geh.
8 Mangso ka nyah gyingshang hwankti tank mas tsung lha
dius nyau jens lyis guon nyeis.
9 Abraham Mangso dah dius jens yah dvgeh,
vnyau dah zau jens huom toh:
Jesphung dvnganh thoq lyis yomsoq zes bos soeu ka nyang nghuot.
Nyang gas dvnganh thoq mas vzainsmuh nghuot.