CHUNGH 28
Pangh das xiklyis Vkyuh Dung
ngos kaiq thwe jenh gyo dyei aq.
Nvng ngos lyis ma toeuh dyei lyis, ngos gas shei mau mas gyoh bang teh mus das.
2 Ngah loq nah Gyingshang Yhenmuh lyis tuonh las ngos nvng lyis jenh pangh aq oen lui lyis,
ngos dung thwe lhyi gyo yoeus dyei aq.
3 Ma gis zis kuot dah lhung bang, nyamoq dang gas buisnoms teh taiq laus eq
nyamoq nhaiqlom gas hoeng cho bos;
housoeh ngos lyis lhung bang yah dvgeh yobos vdyei.
4 Nyamoq ma gis muhzoh yahge nyamoq kuot khyvlyis nyamoq lyis yobos dyei aq.Ref 28.4: Nyoq 22.12
Nyamoq ma gis cho yobos kuot goeus.
Nyamoq kuot dah yobos yah mon khyvlyis nyamoq lyis yobos dyei aq.
5 Yhensain dah muhzoh yahge nyang kuot goeus dah muh lyis pvlhyahlyoeus kuot yvmvyah,
nyang nyamoq lyis yobos dyei las vcaiq vto mhont tyamp das.
6 Yhensain ka ngos dung dang gyo dyei yvmvyah
ngelhoq bas jungh.
7 Yhensain ka ngah yom yahge gos nghuot;
Nyang ngos lyis pangh las ngos nyang lyis loms; ngos lyis gauslaus nhang.
Gauslaus dah Chunghthwe yah ngos nyang lyis chungh das.
8 Yhensain ka nyah dius jens lyis gos toh dyei.
Nyang khyen toh dah hwankti lyis gos dyei, khyuot yoeus.
9 Yhensain eh, nah dius nyau lyis khyuot yoeus aq.
Nah vso lhyi shvmanh dyei aq.
Vjangh nyamoq lyis nyhoeu tsoh las shwih gomh dyei aq.