CHUNGH 26
Dius gis dah Dung Dang
1 Yhensain eh, ngos nvng lyis dvnganh loms toh zis yah,
jus cho lhyi kuot yvmvyah ngos mas yobos ma bos cho taiq aq.
2 Yhensain eh, ngos lyis kyink las shi yoeuh aq.
Ngos omes cho yahge nghamh cho lhyi soetuon dyei aq.
3 Nah mathank magons jyetdap cho ka ngos lyis choshe.
Nah dah wontang cho ka ngos lyis vjangh choshe.
4 Ngos mhuih bang yah ma zomh,
gis guons kuot bang jyank mas ma wvng.
5 Ngos ma gis zis kuot bang phung lhyi hoeng;
6 Ngos ngah loq lyis cheih zis yah tswi ma bos cho chixoeuq.
Yhensain eh, ngos nvng lyis paiq das zis nah phon yvm mas los.
7 Housoeh ngos jyehjuh soh dah chunghthwe kat las
nah mauhphoh muh dvnganh yvlyis taiq kyoh das.
8 Yhensain eh, ngos nvng nyeis dah yhen yahge
nah phunk bvng joqyos lyis jyet.
9 Ngos lyis yaunos dap bang yah dvgeh vmhont tyamp;
ngah kang lhyi suih shet bang masyah luiq nhang aq.
10 Nyamoq gas vjangh ma gis zis kuot bang nghuot.
Nyamoq vjangh khauwhot zo das zis cicont nghuot.
11 Ngos gas jus yvlyis kuot.
Ngos lyis nhaiqnyen zis yah khyuot yoeus aq.
12 Ngos gas yau cho dvnganh masyah luiq goeus;
ngos nyah dius jens huom yvmas Yhensain lhyi chungh das.