CHUNGH 16
Nghamhnywe las Dung
Dawi dah lvkhyank dvyang
Mangso eh, ngos nvng lyis khau yvmvyah ngos lyis gomh dyei aq.
Ngos Yhensain lhyi , Nvng ngah Yhensain nghuot,
ngos yoh dah gis zis dvnganh nah jyank masyah los, oen.
 
Nyeisjvng thoq mas dah gyingshang bang gas,
lomluk bang nghuot las ngos nyamoq lyis nhaiqdoeus.
 
Gohtoeu mangso lhyi khyen yoeus bang nhaiqkuk cho je los nhang:
ngos gas nyamoq dah lomhxangh suih lyis ma bos huot das,
ngah nhuotkuk yah nyamoq dah mangso nyings ma bos yoeus das.
 
Yhensain ka ngos chah zis dvnganh ngos lyis dyei.
Nvng ngah vso vlho lhyi zwi toh.
Ngah maukyo pyo joqyos mas jus joq;
jyoengh nyang ngah vso vlho khoek khoek nghuot.
 
Ngos lyis joeui da dyei dah Yhensain lhyi ngos phu das.
Nyenh lyis yangh ngah ehnyet ngos lyis taiq kyingh nyeis.
Ngos Yhensain lhyi vjangh ngah xikkhonh mas toh.Ref 16.8-11: Lgy 2.25-28
Nyang ngah loqyos shot pheh nyeis yvmvyah, ngos ma lop ma loeh das.
 
Housoeh yvmvyah, ngah nhaiqlom gausyis las, ngah dyos gauslaus nyeis.
Ngos nghamhloms nyeis.
10 Khasoeh ge lyis nvng ngah dyos lyis shei mau mas ma toh tyamp.Ref 16.10: Lgy 13.35
Nvng nah Gyingshang Soeu dyoqbis xauh das zis ma gyo.
 
11 Nvng ngos lyis kang dwis cho tuonhshet das:
nah xikkhonh mas gauslaus zis yah dyingh joq;
nvng ngah xiklyis vcaiq vto pyo cho shwih los.