CHUNGH 15
Mangso Sang Cho
1 Yhensain eh, nah Yhenmuh mas hank yoh nyeis das lah?
Nah gyingshang jing mas hank yoh nyeis das lah?
2 Yobos huon chank ma bos khyvlyis suh e lha, jus zis kuot soeu
nyah ehnyet mas jyoeng dang taiq soeu;
3 Nyah lhyo yah loeusmus dang ma taiq:
nyah dyenschangh lyis ma gis khyvlyis ma kuot,
nyah yhenkyoh lyis loeus ma mus soeu;
4 Wotwu ma gis bang lyis dius ngis khyoq laus eq,
Yhensain lhyi gyukwoms bang lyis phauh nyang soeu;
vsainnyang vkyuh dyoq laus eq maukhi toh dang ma lhaiq kat soeu:
5 Nyah ngwis lyis vmyat ma yoeus jyeih dyei,
yobos ma bos soeu lhyi tyi lha khau whot ma zo soeu,
heisoeh kuot soeu ka khanhamp eq malop maloeh das.