CHUNGH 138
Nhaiqshoqlang Dung
1 Yhensain eh, ngos ngah nhaiqlom dvnganh yah nvng lyis nhaiqshoqlang sang;
mangso jens dah xikkhonh mas ngos nvng lyis chunghthwe kat las chungh das.
2 Nah mathank magons jyetdap cho yahge wontang cho gvng mas
ngos nah gyingshang Yhenmuh pheh xoeu, gop las nah nyings lyis chungh das:
khasoeh ge lyis nvng nah nyings yahge
nah tyingtoh dang kuh thank yvlyis chixoeuq goeus.
3 Ngos lui lyis nvng ngos lyis toeuh dyei;
nah yom yah ngos lyis yombos nhang.
4 Yhensain eh, nyeisjvng hwankti dvnganh nvng lyis chungh das:
khasoeh ge lyis nyamoq nah dangthoengh xauhgyo goeus.
5 Nyamoq gas nvng khasoeh kuot dyei goeus cho yahge
nah kuhxing phunk cho lhyi chunghthwe kat das.
6 Nvng gas nyhang thank thoq mas nyeis laus eq,
nhaiqlom nyhen mha gyoh bang lyis gomh toh;
khwank bang nvng lyis ma yoh tamh.
7 Ngos lyis yaukyenh cho yah lhaink toh lyis nvng ngos lyis jesluiq nhang.
Nhaiqyo dah ngah jeswus lyis zan dyei, nah yomsoq yah ngos lyis khyuot yoeus.
8 Nvng dangthoengh toh zis dvnganh kuot dyei das;
Yhensain eh, nah jyetdap cho ka vcaiq vto joq las,
nvng xi toh dah muh kuot tyink dyei aq.