CHUNGH 136
Nhaiqshoqlang Chunghthwe
1 Yhensain ka gis yvmvyah nhaiqshoqlang sang geh;Ref 136.1: 1Ss 16.34; 2Ss 5.13, 7.3; Ezr 3.11; Chd 100.5, 106.1, 107.1, 118.1; Yer 33.11
nyah jyetdap cho ka vcaiq vto joq.
2 Mangso jens dah Mangso lhyi nhaiqshoqlang sang geh,
nyah jyetdap cho ka vcaiq vto joq.
3 Yhensain jens dah Yhensain lhyi nhaiqshoqlang sang geh,
Nyah jyetdap cho ka vcaiq vto joq.
4 Nyang kyingh kuhxing dah yomsoq muh tsain kuot;
nyah jyetdap cho ka vcaiq vto joq.
5 Nyang nyah joeui yah maukhung lhyi kuot toh;Ref 136.5: Vpm 1.1
nyah jyetdap cho ka vcaiq vto joq.
6 Nyang nyeisjvng lyis jeisnoq thomh thoq mas kuot toh;Ref 136.6: Vpm 1.2
nyah jyetdap cho ka vcaiq vto joq.
7 Nyang buis yahge lhamhmuh lyis kuot toh;Ref 136.7-9: Vpm 1.16
nyah jyetdap cho ka vcaiq vto joq.
8 Buis gas nyeih lyis guon das nyhenshang nghuot;
nyah jyetdap cho ka vcaiq vto joq.
9 Lhamhmuh yahge kyi jens gas nyenh lyis guon das nyhenshang nghuot;
nyah jyetdap cho ka vcaiq vto joq.
10 Nyang Egutu bang dah yukgis loxeih jens lyis sat;Ref 136.10: Dyu 12.29
nyah jyetdap cho ka vcaiq vto joq.
11 Nyang Israel dius jens lyisRef 136.11: Dyu 12.51
Egutu mau masyah shwih thuq los;
nyah jyetdap cho ka vcaiq vto joq.
12 Nyah yombos dah loq, nyah yomsoq bos loqyom yah shwih los;
nyah jyetdap cho ka vcaiq vto joq.
13 Nyang Thomh Nes lyis thyet kangh;Ref 136.13-15: Dyu 14.21-29
nyah jyetdap cho ka vcaiq vto joq.
14 Nyang nyah dius jens lyis houcho shwih lai los;
nyah jyetdap cho ka vcaiq vto joq.
15 Nghuot laus eq nyang Egutu hwankti yahge nyah jesphung lhyi jeis mas nyhop tyamp;
nyah jyetdap cho ka vcaiq vto joq.
16 Nyang nyah dius jens lyis mhanhdyvp cho shwih los;
nyah jyetdap cho ka vcaiq vto joq.
17 Nyang yomsoq bos dah hwankti jens lyis sat;
nyah jyetdap cho ka vcaiq vto joq.
18 Nyang nyings hoeuh dah hwankti jens lyis sat;
nyah jyetdap cho ka vcaiq vto joq.
19 Houka Amori hwankti Sihon;Ref 136.19: Gyu 21.21-30
nyah jyetdap cho ka vcaiq vto joq.
20 Bashan hwankti Og moq nghuot;Ref 136.20: Gyu 21.31-35
nyah jyetdap cho ka vcaiq vto joq.
21 Nyang hauh bang dah mau nyah dius jens lyis dyei;
nyah jyetdap cho ka vcaiq vto joq.
22 Nyang hauh mau nyah jyeidwis, Israel jens lyis dyei;
nyah jyetdap cho ka vcaiq vto joq.
23 Ngamoq somh loh lyis nyang ngamoq lyis ma tohnyhik;
nyah jyetdap cho ka vcaiq vto joq.
24 Nyang ngamoq lyis ngamoq dah jeswus masyah khyuot kat;
nyah jyetdap cho ka vcaiq vto joq.
25 Nyang gas dwis ya dwis yvlyis zonoms dyei;
nyah jyetdap cho ka vcaiq vto joq.
26 Maukhung Mangso lhyi nhaiqshoqlang sang geh,
nyah jyetdap cho ka vcaiq vto joq.