CHUNGH 132
Yhenmuh lyis Chungh
1 Yhensain eh, Dawi lyis eq nyang xauh kham dah
shanghsenh dvnganh lyis eq vtohnyhik dyei.
2 Yhensain eh, nvng Yakop dah Yomzains Mangso lhyi
nyang nyhen toh dah dangthoengh lyis soh dyei aq.
3 Ngos yhen mha ma loh,
yhetyos mas ma loh das.
4 Ngos ma no das, yhet eq ma yhet das.
5 Yhensain xiklyis joqyos, Yakop dah Yomzains Mangso
xiklyis yhen ma yoh kuot dyei dvchank ma no.
6 Ngamoq Betlehem mas Thanghchvp Kwi cho xauhgyo, Ref 132.6-10: 2Ss 6.41-42
ngamoq hauh yvlyis Yearim pa mha xo nyvng.
7 Ngamoq gas, Yang Yhensain dah yhen pheh loh goh;
Nyah hwankti tank xik mas paiq goh, oen sang.
8 Yhensain eh, nah yomsoq vlho
Thanghchvp Kwi yah dvgeh Yhenmuh mas los las heimha vcaiq vto nyeis aq.
9 Nah phudyei bang vjangh yah jus zis kuot bas jungh;
nah dius jens gauslaus zis yah hoeu bas jungh.
10 Nvng nah jyeidwis Dawi lyis dangthoengh dyei toh;
Yhensain eh, nvng khyen toh dah hwankti lhyi vphe toh.
11 Nvng Dawi lyis maukhi lha dangthoengh toh.Ref 132.11: 2Sa 7.12-16; 1Ss 17.11-14; Chd 89.3-4; Lgy 2.30 Hauh dangthoengh nvng ma yop tyamp;
nah lo jens mas dvyuk lyis hwankti kuot nhang das.
Nyang nah thang mha guon das, ge.
12 Nah lo jens ngah thanghchvp yahge
ngos dyei toh dah tyingtoh dang lyis chank lyis gas
nyamoq lo jens eq vjangh yah hwankti xauh kuot das.
13 Yhensain ka Zion wus lyis khyen yoeus;
nyang hauh wus lyis nyah yhen kuot mes.
14 Haih zis gas ngos vcaiq vto nyeis mes joqyos nghuot;
haih zis gas ngos guon mes joqyos nghuot.
15 Ngos Zion lhyi nyang chah nyeis zis lyis magons magoh shvmanh las,
nyah dah shohjyen bang lyis zonoms yah jo nhang das.
16 Ngos nyah phudyei bang kuot cho dvnganh yvmas shvmanh dyei das.
Nyah dius jens gas chunghthwe kat las gauslaus zis yah kaiq das.
17 Heimha ngos Dawi diusjangh caiq mas hwankti zainsmuh dvyuk toh das. Ref 132.17: 1Hw 11.36
Ngos heimha khyen toh dah hwankti guon das xiklyis gomh shung toh.
18 Nyah jeswus jens lyis xoqphuh cho dyei das.
Nghuot laus eq nyah munghdan gas kuhxing jelvm las phunk bos das, ge.