CHUNGH 13
Pangh das zis Dung
1 Yhensain eh, nvng ngos lyis khanhamp jweh shoq tohnyhik toh das lah?
Ngos lyis nah nyoqnho khanhamp jweh shoq shung toh das lah?
2 Ngos ngah dyos mas khanyhank jweh shoq jhen nyeis das lah?
Ngah ehnyet mas nyeih nyenh kuk cho dyingh joq das lah?
Ngah jeswus jens ngah thoq mas ung cho khanhamp jweh shoq bos joq das lah?
3 Ngah Yhensain Mangso eh, nghamh yoeuh las toeuh dyei aq:
ngos ma shei bas jungh, ngos lyis yom lung dyei aq.
4 Ngah jeswus ngos lyis, Ngos nyang lyis ung tyamp goeus, ma yoh ge bas jungh;
ngos lains lyis ngah jeswus jens ma yoh gaus bas jungh.
5 Ngos gas nah goeng joq dah jyetdap cho lhyi loms toh.
Ngah nhaiqlom nah khyuot yoeus cho mha gauslaus nyeis das.
6 Yhensain ngos lyis jyehjuh zainsmuh dyei yvmvyah,
ngos nyang lyis chunghthwe kat das.