CHUNGH 129
Jeswus lyis Tyi lha Dung
1 Israel jens eh, namoq dah jeswus jens gas
namoq loyvm yoq lyis yah namoq lyis khasoeh shoeuhshih zis ngamoq lyis taiq kyoh geh.
2 Ngos loyvm yoq lyis yah ngah jeswus jens gas
ngos lyis svsoh shoeuhshih goeus,
nghuot laus eq nyamoq ngos lyis ma ung, ge.
3 Nyamoq ngah gvnungh mas jap dyei las
hauh dvm-yos gas yos phuk vkhyoh teh dwvng joq.
4 Nghuot laus eq dan dah Yhensain ka
ngos lyis jons duot yvmvyah lhuiq kat.
5 Zion lhyi hoeng bang dvnganh gas
somh zis yah khat tyamp zis xauh bas jungh.
6 Nyamoq dvnganh gas yhenkhung mha yuk las
ma kuh shih lyis nyhauh loh dah mhanh teh bweh bas jungh.
7 Hauh zis hank ma yhomh,
hank ma yet dain loh.
8 Houcho lai loh bang hank eq,
Yhensain nvng lyis shvmanh dyei bas jungh!
Ngamoq eq Yhensain nyings yah nvng lyis shvmanh dyei, ge ma sang.