CHUNGH 128
Yhensain Domsyos Gyo Phauh
1 Yhensain dah domsyos gyo las
nyah tyingtoh dang khyvlyis kang dwis bang gas ngelhoq.
2 Nah muhzoh gas nvng chah nyeis yvlyis dyei das. Housoeh nvng pyo lha nyeisgis yaplhoq das.
3 Nah yhensain nyhiq gas nah yhen khau mha vshih shih dah zvbiq nwis teh,
nah lo jens gas tsanlun saiqlo zains teh nah kihgus yvmlhaink tsain nghuot.
4 Yhensain dah domsyos gyo soeu ka
housoeh teh shvmanh zis jyoengh xauh das.
5 Yhensain ka nvng lyis Zion mhayah shvmanh dyei bas jungh!
nah dvcaiq gonh Yerusalem nyeisgis yaplhoq zis lyis nyvng bas jungh.
6 Nvng kang dwis las nah nyeilo jens lyis xauh nyvng bas jungh!
Nyenstap cho ka Israel thoq mas joq bas jungh!