CHUNGH 127
Mangso Gis Cho lhyi Chungh
1 Yhen lhyi Yhensain ma tsuk lyis yhentsuk bang dah muh gas vkom dvnghuot.
Wus lyis Yhensain ma gomh lyis, Zungh bang vkom mha dvzungh kat.
2 Noq yah toq las gungsgvm luk shoq ma yhet ma yoeu, nyungdaus zis yah kang khoeu laus eq vkom dvnghuot.
Yhensain ka nyang jyetdap bang lyis nyamoq yhet joq uhlyis dyei.
3 Lo jens gas Yhensain dyei dah jyungshuk vso vlho nghuot;
nyamoq gas shvmanh vgyingh nghuot.
4 Loyvm yoq lyis yoh dah lo jens gas
jeslo loq mas dah nyo teh tsain nghuot.
5 Nyah lyeidungh mas housoeh teh nyo tyink toh soeu ka ngelhoq.
Soetuon jang mas nyah jeswus yah xauhgoh lyis nyang khanhamp eq ma somh das.