CHUNGH 126
Khyuot das Cho Dung
1 Yhensain ngamoq lyis Yerusalem mas shwih tauh los lyis,
houka yhetmoq teh nghuot!
2 Ngamoq gauslaus las kha iq yis! Chunghthwe kha iq kat!
Hauh uhlyis gohnyau bang ngamoq cho taiq zis gas,
Yhensain ka nyamoq xiklyis muhzains kuot dyei goeus, ge.
3 Nghuot goeus, Yhensain ka ngamoq xiklyis muhzains kuot goeus;
housoeh las ngamoq gausyis goeus!
4 Yhensain eh, mau gas kyuk dah jeis khyoh lyis jeis doms dyei teh,
ngamoq lyis nyeisgis yap doms lhoq nhang aq.
5 Ngaus zis yah jyo khoq bang gausyis zis yah
jyo xauh yhomh bas jungh.
6 Ngaus zoh lyis yah jyo nyau wons thuq loh bang gas,
gauslaus chunghthwe kat zis yah gukphu wuq las tauh los das.