CHUNGH 121
Yhensain, Gos dyei Soeu
1 Ngos boms mas nghank yoeuh;
ngos lyis pangh cho khamhayah los das lah?
2 Maukhung nyeisjvng gvnkhanh Yhensain jyank masyah
ngos lyis pangh cho thuq los.
3 Nyang nvng lyis ma lains loh nhang;
nvng lyis gomh soeu ka vjangh gying soh nyeis.
4 Israel lyis gomh soeu ka khanhamp eq yhet nguis,
yhet muih joq zis ma bos.
5 Yhensain ka nvng lyis zungh dyei das;
nyang gas nvng lyis gomh das zis nah shot pheh nyeis.
6 Nyeih lyis buis yah nvng lyis ma nos nhang das,
nyenh lyis eq lhamhmuh yah ma yoh nos nhang das.
7 Yhensain ka nvng lyis jesshoh dvnganh masyah gos dyei das;
nvng lyis jesluiq shohluiq gomh dyei das.
8 Yhensain ka nvng e los kuot cho mha
gvshih eq vcaiq vto eq gos dyei das.