CHUNGH 12
Pangh das zis Dung
 
Yhensain eh, pangh aq, Mangso lhyi gyukwoms bang ma bos lo,
cangsoeu lo jens mas lomluk bang thank tyamp goeus.
Yuk khanghmuh nyah yhenkyoh lyis hwah las,
mhuih chungh dah nhuotkuk yahge ehnyet aiq ja yah tsain taiq.
 
Yhensain ka mhuih chungh dah nhuotkuk yahge
moengs dah lhyo lhyamh tyamp bas jungh.
Nyamoq gas, Ngamoq dah lhyo yah ngamoq ung das,
ngamoq dah nhuotkuk gas ngamoq nyang zis nghuot:
ngamoq dah svra hank nghuot, ge.
 
Nyungs bang zaiq zis xauh las shoeuhshih zis xauh bang noskyingh nyeis yvmvyah,
ngos gvshih toq loh das ge Yhensain taiq.
Ngos nyamoq omes nyeis dah sam cho dyei das, ge.
 
Yhensain dah dangthoengh gas gyingh:
Tsoh tsau mha shonh las, nyhet lhain shauq goeus dah ngwis teh nghuot.
 
Yhensain eh, nvng ngamoq lyis gvshih haq caiq mas dah
lhung bang masyah vjangh zungh dyei aq,
ngamoq lyis vjangh gomh dyei aq.
Cangsoeu lo jens mas lhung bang dvkhauyah nyeis las,
ma gis cho lhyi yuk khanghmuh chungh nyeis.