CHUNGH 118
Ung los, Nhaiqshoqlang
Yhensain ka gis, nyah jyetdap cho ka vcaiq vto joq yvmvyahRef 118.1: 1Ss 16.34; 2Ss 5.13, 7.3; Ezr 3.11; Chd 100.5, 106.1, 107.1, 136.1; Yer 33.11
nyang lyis nhaiqshoqlang chungh geh.
Nyah jyetdap cho vcaiq vto joq, ge
Israel jens taiq nyeis bas jungh.
Nyah jyetdap cho vcaiq vto joq, ge
Mangso dah phudyei bang taiq nyeis bas jungh.
Nyah jyetdap cho vcaiq vto joq ge,
Yhensain lhyi paiq bang taiq bas jungh.
 
Ngos chiqjyen masyah Yhensain lhyi lui lyis,
nyang ngos lyis toeuh dyei las ngos lyis luiq nhang.
Yhensain ka ngos yah nghuot las ngos ma gyuk das.Ref 118.6: Heb 13.6
Ngos lyis hank cha yoh kuot das lah!
Ngos lyis pangh soeu ka Yhensain nghuot.
Ngos ngah jeswus jens somh loh zis nyvng das.
Yhensain lhyi loms zis gas
dius lyis nges thoq lyis zes gis.
Yhensain lhyi loms zis gas,
dius dah uhshe bang lyis nges thoq lyis gis.
 
10 Jeswus jens nyoshoq ngos lyis lhaink toh,
ngos nyamoq lyis Yhensain dah yomsoq yah yoh mhont.
11 Nyamoq ngos lyis shot khanghmuh lhaink toh,
nghuot laus eq ngos nyamoq lyis Yhensain dah yomsoq yah yoh mhont.
12 Nyamoq ngos lyis dyo teh lhyomh los, nghuot laus eq huhyau nyi teh lvnyap shei loh.
Ngos nyamoq lyis Yhensain dah yomsoq yah mhont tyamp.
13 Ngos gas yomkat zan los zis xauh las somh loh nyeis laus eq,
Yhensain ka ngos lyis pangh.
14  Yhensain ka ngos lyis yombos nhang,Ref 118.14: Dyu 15.2; Esa 12.2
yomsoq dyei. Nyang ngos lyis khyuot yoeus.
 
15 Mangso dius jens dah zvng jens mas ung cho dah gausyis kaiq thwe lhyi gyo geh.
Yhensain dah yomzains yomsoq muh kuot goeus.
16  Yhensain dah yomsoq gas ngamoq lyis ung cho yoh nhang.
Moeng zan yvmas nyah yomzains yomsoq bos.
 
17 Ngos shei das gungsthaiq kang dwis las
Yhensain kuot khoq yvlyis taiq hoeuh das.
18  Yhensain ngos lyis pot laus eq nyang ngos lyis ma shei nhang.
19 Ngos lyis Yhenmuh khyam khomh phank dyei geh;
ngos houmha wvng las Yhensain lhyi nhaiqshoqlang chungh das.
20 Haih zis gas Yhensain dah khyam khomh nghuot;
dan bang kyingh dvyoh wvng loh.
21  Yhensain eh, ngos nvng lyis chungh:
khasoeh ge lyis nvng ngos lyis gyo dyei, nvng ngos lyis ung cho dyei.
 
22 Yhen tsuk bang phauh ma dap ge peq tyamp dah luklom gasRef 118.22: Luk 20.17; Lgy 4.11; 1Pt 2.7 Ref 118.22-23: Mat 21.42; Mak 12.10-11
dvnganh yvmas yhaugyen thank zis bweh los.
23 Haih zis gas Yhensain nyang kuot cho nghuot.
Hauh zis kha iq mauhphoh nghuot lah?
24 Haih zis gas Yhensain dah ung los buisnyeis nghuot.
Yang pyo goh, pwe kuot goh.
25 Ngamoq lyis khyuot yoeus aq, Yhensain eh, ngamoq lyis khyuot yoeus aq!Ref 118.25: Mat 21.9; Mak 11.9; Yoh 12.13
Yhensain eh, ngamoq lyis ung cho dyei aq.
 
26  Yhensain nyings mas jweh los soeu ka ngelhoq.Ref 118.26: Mat 21.9, 23.39; Mak 11.9; Luk 13.35, 19.38; Yoh 12.13
Yhensain dah yhenmuh masyah ngamoq nvng lyis phu.
27  Yhensain ka Mangso nghuot;
nyang yah xiklyis gis.
Namoq loq mas saiq kyang tsain chi lha pwe xi goh,
phon yvmlhaink zomsgoh geh.
 
28 Nvng ngah Mangso nghuot las ngos nvng lyis nhaiqshoqlang chungh.
Ngos nah kuhxing cho lhyi taiq hoeuh das.
 
29  Yhensain ka gis,
nyah jyetdap cho eq vcaiq vto joq yvmvyah nyang lyis nhaiqshoqlang chungh geh.