CHUNGH 110
Yhensain Khyen toh Hwankti
1 Yhensain ngah yhensain hwankti lhyi taiq zis gas,Ref 110.1: Mat 22.44; Mak 12.36; Luk 20.42-43; Lgy 2.34-35; 1Kr 15.25; Eph 1.20-22; Kol 3.1; Heb 1.13, 8.1, 10.12-13
Ngos nah jeswus lyis nah nangte kuot shoq
ngah loqyos shot pheh tsung toh aq, ge.
2 Yhensain ka Zion mhayah nah yomsoq lyis chent kat dyei las,
Nvng nah jeswus jens thoq mas guon aq, ge.
3 Nvng nah jeswus lyis zan nyeih lyis, nah dius jens los bos zan das.
Hau gyingshang boms thoq mas,
nah loyvm jens nah jyank mas nvpsangh jyweh teh jweh los das.note 110.3 ngis zis 3 Hebre mas ma bvng.
4 Yhensain maukhi dangthoengh toh zis ma doms thaiq lo:Ref 110.4: Heb 5.6, 6.20, 7.17, 21
Nvng gas Melkhizedek yhangteh vcaiq vto phudyei soeu nghuot, ge goeus.
5 Yhensain ka nah loqyos shot pheh nghuot;
nyang nhaiqyo lyis hwankti jens lyis somh nhang das.
6 Nyang dius nyau jens lyis soetuon lha,
jeszan joqyos mas mvng yah tsain dyingh das.
Nyang nyeisjvng gonh dah hwankti jens lyis somh nhang das.
7 Hwankti ka choyvm jeislo lvng mas jeis shuk das.
Housoeh nyang yombos las yoh ung das.