21
Khanan lyis Ung
1 Israel jens Atharim cho los nyeis yvlyis mautyi pheh dah Khanan hwankti Arad xauhgyo lyis nyamoq lyis zan las dvyhamh lyis nyhik loh.Ref 21.1: Gyu 33.40
2 Housoeh las Israel jens gas Yhensain lhyi nyhen toh. Nvng ngamoq lyis haih dius jens thoq mas ung nhang lhyi nyamoq yahge nyamoq wus jens nvng lyis kyauh las nyamoq dah wus jens lyis shank shoq mhont das, ge.
3 Yhensain eq Israel dang lyis xauhgyo las Khanan jens thoq mas ung nhang. Housoeh las Israel jens gas nyamoq yahge nyamoq wus jens lyis shank shoq mhont; housoeh hauh joqyos lyis Hormanote 21.3 Horma ge zis gas Hebre nyingh mas Dyoqbis cho ge dah vjyuk nghuot. ge nyhink.
Thunk Lhangnyis
4 Nyamoq Hor boms masyah cheh las Edom mau lyis suh lhain das xiklyis Aqaba Vguih cho chank tsain loh. Nghuot laus eq nyamoq cho mha nhaiqlom thank.Ref 21.4: Lyi 2.1
5 Housoeh dius jens gas Mangso yahge Moshe lhyi tyi lha taiq. Nyamoq lop zis gas, Haih jeis ma joq, zonoms ma joq mhanhdyvp mas shei bas jungh ge, ngamoq lyis Egutu masyah chamus shwih los? Hai shanghsenh dah zonoms lyis ma yoh kham lo, ge.Ref 21.5-6: 1Kr 10.9
6 Hauh thang lhyi Yhensain ka dius jens mas ywimuhtsanh nhang lha Israel jens nyoshoq lhangnyis chweh las shei loh.
7 Dius jens gas Moshe jyank mas los taiq zis gas, Ngamoq Mangso lhyi eq, nvng lyis eq tyi khyvlyis taiq las cu goeus: Gvshih Yhensain hau ywimuhtsanh yoeus tyamp dyei das xiklyis dung dyei aq, ge. Moshe eq dius jens xiklyis dung dyei.
8 Yhensain Moshe lhyi taiq, Nvng Thunk lhangnyis dvdoeu kuot las zains thyoh mas tap toh aq: lhangnyis chweh zis xauh soeu hank laus eq hauh yvlyis yoeuh lyis gis los das, ge.
9 Housoeh las Moshe ka thunk lhangnyis dvdoeu kuot las zains thyoh mas tap toh. Housoeh lhangnyis chweh zis xauh soeu hank laus eq thunk lhangnyis lyis yoeuh lyis gis los das.Ref 21.9: 2Hw 18.4; Yoh 3.14
Moab Langhkhau pheh
10 Israel jens joqyos cheh las, Obot mas thoeng.
11 Obot masyah doms cheh zis Moab mau buisthuq shot mhanhdyvp Iye Abarim mas thoeng.
12 Hauh thang lhyi Zered langhkhau mha cheh thoeng.
13 Nyamoq hou mhayah doms cheh las Arnon lvng dah mautsung shot pheh mhanhdyvp mas thoeng. Houka Amori maukyo mha jweh. (Arnon lvng gas Moab mau yahge Amori mau vjo maukyo nghuot.)
14 Hauh gvng mas Yhensain dah Jeszan Maussauh mas taiq toh, Supha mas dah Waheb wus yahge nyeismhung, Arnon lvng yahge nyeismhung langlyamh gas,
15 Ar wus jweh shoq loh. Haih joqyos jens gas Moab maukyo mha joq, ge.
16 Hou mhayah Jeisdwang ge yvmas loh. Houmha Yhensain Moshe lhyi, Dius jens lyis shwih huom aq, ngos nyamoq lyis jeis dyei bah ge taiq joqyos nghuot.
17 Hauh uhlyis Israel jens haih lvkhyank tsain kat:
Jeisdwang eh, nah jeis tsoeu thuq los aq;
ngamoq chunghthwe yah jeshuh das.
18 Hau jeisdwang lyis Zaulo jens yahge
dius jens dah uhshe bang tsain doeu,
hauh yvlyis zau dunghkuq yah doeu,
nyamoq lhamloq yah eq doeu, ge.
Nyamoq mhanhdyvp masyah Matana pheh loh.
19 Matana masyah Nahaliel; Nahaliel masyah Bamot;
20 Bamot masyah Moab pa langhkhau, Pisga boms thyoh masyah mhanhdyvp mas yoeuh kat dah boms khyei mha nghuot
Hwankti Sihon, Og lyis Ung
(Lyi 2:26 - 3:11)
21 Hauh thang lhyi Israel jens gas Amori hwankti Sihon jyank mas loeuskyoh nhang lha taiq.
22 Ngamoq lyis nah mau cho suh lai loh nhang aq; Ngamoq yahge ngamoq noeu nah yos, nah zvbiq khyam mha ma loh, jeisdwang jeis eq ma shuk das: nah mau ma lai dvchank, hwankti talhoeu chank dvloh das, ge.
23 Nghuot laus eq Sihon ka Israel jens lyis nyah mau cho lai das toeuh ma dyei. Nyang nyah jesphung tsainh las mhanhdyvp, Yahaz wus mas Israel lyis zan.
24 Nghuot laus eq Israel jens gas jeszan yvmas nyah jeswus nyoshoq lyis sat. Nyamoq maunyeis lyis Arnon lvng masyah mautsung pheh Yabok lvng jweh shoq yoeus. Houka Amon jens maunyeis jweh shoq yoeus. Khasoeh ge lyis Amon jens maukyo ka toenk toenk gos toh.
25 Housoeh las Israel jens gas Amori wus jens dvnganh yoeus, houmha Heshbon yahge nyah wuxom wukhau dvnganh bos, houmha Israel jens nyeis.
26 Heshbon gas, Amori hwankti Sihon dah wusmuh nghuot. Sihon ka xik pheh dah Moab hwankti yah zan-goh las Arnon lvng jweh shoq maunyeis xauh yoeus toh.
27 Hauh gvng mas nyamoq sodang kat zis gas,
Hwankti Sihon dah wus Heshbon mas los geh.
Doms soq kuot, doms toeu toh zis ngamoq yoeuh mes.
28 Gohlhain hai HeshbonRef 21.28-29: Yer 48.45-46 wus masyah Sihon dah jesphung nyi teh thuq loh;
Houka Moab mau mas dah Ar wus lyis mhont tyamp.
Arnon lvng jeis mons pheh dah jing jens lyis nyhau tyamp.
29 Moab bang eh, namoq xiklyis kha iq gyukphoh nghuot!
Namoq Khemosh lhyi paiq bang eh, monh loh goeus;
Namoq dah mangso ka dius lyis phang yenh nhang,
Vmesbih jens gas Amori hwankti Sihon yah jons loh bang bweh goeus.
30 Gvshih nyamoq dah vshih gas dyoqbis goeus.note 21.30 Hai sonzoh Hebre mas ma bvng.
Heshbon masyah Dibon,
Nashim masyah Medeba nvm Nopha jweh shoq shank shoq mhont goeus, ge.
31 Housoeh las Israel jens gas Amori mau mas nyeis.
32 Moshe eq Yazer wus lyis shon thank khyvlyis yoh zan das cho dius jens lyis yoeuh nhang lha hauh wus yahge hauh vyvm vwi wus jens lyis lhuot yoeus lho lha houmha nyeis dah Amori jens lyis khat tyamp.
33 Israel jens hou mhayah tauh las Bashan mau pheh doq loh. Bashan hwankti Og eq nyamoq lyis zan das ge nyah dius jens dvnganh yah Edrei wus nvm mas thuq los.
34 Nghuot laus eq Yhensain Moshe lhyi taiq zis gas, Nyang lyis vgyuk: Ngos nvng lyis nyah thoq mas eq, nyah dius dvnganh thoq mas eq, nyah maunyeis thoq mas eq ung cho dyei das. Nvng nyang lyis Heshbon wus mas guon dah Amori hwankti Sihon lyis kuot teh kuot aq, ge.
35 Housoeh las Israel jens gas Og eq nyah lo jens eq, nyah dius dvnganh lyis dvyuk eq ma nyet lo shoq sat las nyah maunyeis mas nyeis.