17
Aron lhamloq
1 Yhensain Moshe lhyi taiq,
2 Nvng Israel jens lyis, nyamoq dvkoq mas uhshe soeu dah lhamloq mas nyah nyings lhaih tap las lhamloq dvnganh lyis dvci aiq koeuq dyei das xiklyis taiq aq.
3 Lewi xiklyis dah lhamloq mas Aron dah nyings lhaih tap geh: housoeh dvkoq dah uhshe soeu xiklyis lhamloq dvkoeuq koeuq nghuot chah.
4 Nvng hau lhamloq lyis yoeus las ngos namoq yah xauhgoh joqyos, ngah xikkhonh Zvng mha dah Thanghchvp Kwi xik mas tsain toh chah.
5 Ngos khyen yoeus soeu dah lhamloq gas vbuh buh das: heisoeh khyvlyis, haih Israel jens nvng lyis malyen lo tyi lha lop cho tomp tyamp das, ge.
6 Housoeh Moshe ka Israel jens lyis taiq las nyamoq dah uhshe bang dvkoq mas dvyuk mulas dvci aiq yuk dah lhamloq nyah jyank mas dyei. Houmha Aron dah lhamloq eq chi los.
7 Moshe ka hauh lhamloq dvnganh lyis Zvng vkhau, Yhensain dah Thanghchvp Kwi xik mas tsain toh.
8 Nungs nyeih Moshe Zvng khau mha wvng loh lyis Lewi vkoq gungsthaiq Aron dah lhamloq gas vhuq thuot, vbuh buh las nyhink joq dah batan shih shih joq zis nyvng.Ref 17.8-10: Heb 9.4
9 Moshe ka hau lhamloq dvnganh yoeus las Israel jens lyis chixoeuq. Nyamoq eq houmha cha bweh zis dvnganh nyvng. Uhshe bang yuk khanghmuh eq nyang yuk nyang toeu lhamloq doms yoeus loh.
10 Yhensain Moshe lhyi taiq, hau Aron dah lhamloq lyis Thanghchvp Kwi xik mas doms toh aq. Houka Israel gomloeus toq bang lyis zaih nhang khyvlyis toh chah. Nyamoq lop zis ma no lyis gas nyamoq shei das, ge.
11 Moshe ka Yhensain nyang lyis tying toh vgus kuot.
12 Israel jens Moshe lhyi taiq, Hauh zis ngamoq dah thang thank nghuot goeus.
13 Zvng mas ni loh soeu yangh shei chah lyis gas, ngamoq dvnganh shei thank loh das lah, ge.