2
Ninewe Gyoh Cho
1 Ninewe eh, nvng lyis zan nyeis goeus.
Nvng lyis thyoq sanh das soeu jweh los goeus.
Jesdvp tsain sont geh!
Talhoeu zungh geh,
Jeszan das xiklyis sont geh.
2 Yhensain ka Israel dah phunk lyis, nyah jeswus jens nyang lyis ma thyoq sanh shih uhlyis teh doms toeu bah ge.
3 Jeswus jeslo jens gas gos nes tsain chi,
dyimis thau eq nes zis wuot.
Nyamoq gas zan das zis sont nyeis!
Nyamoq dah jeslhyingh jens nyi soeh bvng nyeis!
Nyamoq dah nyang jensnote 2.3 Hebre mas shvxoeuh zains ge bos. dyvm nyeis!
4 Jeslhyingh gas wus talhoeu mha khat wuih las
wus mas dius huom joqyos mas e los tsain duon loh.
Houka nyiduk teh bvng las
maunyoq teh nyik nyeis.
5 Zau jens lyis khi kat las nyamoq gas
xikpheh duon los lyis thungh lains.
Jeszan bang gas wusciank mas
duon loh las thoenkgus jesdvp thyoq das dom xiklyis gos tsain toeu tsung.
6 Jeislvng yvm mas dah wus khomh jens buiq bangh los.
Hwankti yhen ka gyukphoh zis yah dyingh joq.
7 Yhensain ka jonsdoeus loh nhang das zis nghamh thyet goeus las,
nyah jyeidwis jens khotjyauh jens teh noskyingh las,
nyamoq sainhkhonh loq bat las tsain kuk nyeis.
8 Dius jens gas Ninewe masyah
thomh buiq las yaus loh dah jeis teh tsain phang thuq loh goeus.
No geh, no geh ge kaiq lui laus eq
hank eq ma tauh los lo.note 2.8 Hebre mas ma bvng.
9 Ngwis lhuot yoeus geh,
xing lhuot yoeus geh:
hauh wus gas zisyos yah dyingh joq.
10 Ninewe gas dyoqbis goeus,
jyamhjyuklhyuk sihyos nghuot goeus.
Nhaiqlom jens gas chiqh zis yah dye yings tyamp.
Phvlukchvp nvn las yom ma bos lo; nyoqnho eq tsain mi tyamp.
11 Khangkhyi lo whop joqyos,
khangkhyi vlus vzains dvgeh suh las
nyamoq dah khangkhyi lo jens eq
jesluiq joqyos khangkhyi jens dah
khyung teh nghuot dah wus,
gvshih khalhye nghuot?
12 Khangkhyi ka khat shoh lyis sat,
khangkhyi zains yahge nyah lo jens xiklyis ngat chingh toh.
Khangkhyi ka nyah khyung lhyi shoh chingh yah tyink toh.
13 Maukhung Jesphung Yhensain taiq, Ngos nah jeswus nghuot. Ngos nah jeslhyingh jens lyis ngheq tyamp das. Nah jeslo jens jes mas shei das, nvng gohyuk dah lvnyhvp khanhamp eq ma doms yoeus lo das. Nah lvgyo jens sang cho ma xauhgyo lo das, ge.