12
Phudyei Bang, Lewi jens
1 O mha dah nyings gas Shealtiel dah lo Zerubabe yahge Phudyei Zainsmuh Yoshua yah dvgeh jonsdoeus masyah pheh tauh los dah phudyei bang yahge Lewi jens dah nyings nghuot. Seraia, Yeremia, Ezra,
2-7 Phudyei bang:
Seraia, Yeremia, Ezra,
Amaria, Malu, Hatu,
Shekhania, Rehum, Meremot,
Ido, Ginethoi, Abiya,
Miyamin, Ma Adia, Bilga,
Shemaia, Yoiarib, Yedaia,
Salu, Amok, Hilkia yahge Yedaia nghuot.
Nyamoq gas Yoshua zaih lyis phudyei bang mas uhshe bang nghuot.
8 Lewi jens:
O mha bang gas Nhaiqshoqlang chunghthwe kat yvmas uhshe bang nghuot. Yeshua, Binnui, Kadmie, Sherebia, Yuda yahge Matania.
9 O mha bang gas chunghthwe lhyi dvyuk dvphuk kat bang nghuot. Hauh bang gas, Bakbukia yahge Uno yahge nyah aiq yuk yah dvgeh dah Lewi jens nghuot.
Phudyei Yoshua Vnyau
10 Yoshua lo Yoiakim, Yoiakim lo Eliashib,
11 Eliashib lo Yoiada, Yoiada lo Yonathan, Yonathan lo Yadua nghuot.
Phudyei Vhuh Uhjyung jens
12-21 Yoiakim Phudyei Zainsmuh kuot zaih lyis o mha dah phudyei bang gas phudyei vhuh dah uhshe bang nghuot.
Phudyei, Lewi cho Comh
22 O mha dah Phudyei Zainsmuh jens zaih lyis phudyei yhenbang yahge Lewi yhenbang cho comh toh. Hau phudyei zainsmuh jens gas, Eliashib, Yoiada, Yohanan yahge Yadua moq nghuot. Haih comh cho dye zis gas, Persia hwankti zainsmuh Dari guon zaih lyis nghuot.
23 Nghuot laus eq Lewi yhenbang dah vdeq jens nyings lyis Eliashib nyeilo Yohanan zaih jweh shoq lyi wvng dah comh buk mas dvnyvng.
Yvwons Gvm toh dyei
24 Lewi jens gas Hashabia, Sherebia yahge Kadmiel dah lo Yeshua moq shwih khyvlyis, vphung phung khyoq toh. Dvlhain lhyi aiq phung mulas, dvyuk dvphuk Mangso lhyi nhaiqshoqlang tsain chungh. Houka Mangso dah dius Hwankti Dawi taiq shet toh dyei zis yah dvyhangteh nghuot.
25 O mha dah Yhenmuh zungh bang gas Yhenmuh khomh nvm mas dah zungh dah yvwons yoeus. Hauh bang gas Matania, Bakbukia yahge Obadia, Meshulam, Talmon yahge Akub moq nghuot.
26 Haih bang gas Yehozadak dah nyeilo, Yoshua lo Yoiakim zaih, mungh zau Nehemia zaih yahge lyi svra, phudyei Ezra zaih lyis nyeis bang nghuot.
Nehemia Wusciank Kyauh
27 Yerusalem Wusciank kyauh uhlyis Lewi jens gas gausyis zis yah jyehjuh chungh yvmas chunghthwe kat, janghau, chonttoenk, toenk bat las chungh das xiklyis nyamoq nyeis masyah tsain shwih jweh los.
28 Hau chunghthwe kat dah Lewi yhenbang gas nyamoq khyei khyoq nyeis dah Yerusalem vyvm vwi mas dah Netopha wus,
29 Betgilgal wus, Geba wus yahge Azmawet wus masyah zain los.
30 Phudyei bang yahge Lewi jens gas nyamoq nyang gungs lyis, dius jens lyis, wusciank yahge wus khomh jens lyis lyi vgus cheihshang cho tsain kuot.
31 Ngos Yuda uhshe bang lyis wusciank thoq mas huom nhang lha, wus lyis lhaink zis yah Mangso jyehjuh lyis chungh dah chunghthwe kat das dius phung aiq phung lhyi yoeuh nhang.
Das vphung ka ciank thoq chank, loqyos shot Jenh khomh pheh loh.
32 Chunghthwe kat bang thang mha Hoshaia, Hauh thang mha Yuda uhshe bang dvgohyih chank loh.
33-35 Hauh thang mha o mha dah phudyei bang lvbuh muot las chank loh. Azaria, Ezra, Meshulam, Yuda, Benyamin, Shemaia yahge Yeremia moq nghuot. Nyamoq thang mha Shemaia nyeilo, Yonathan lo Zekharia los.(Nyah phauh thyeih moq mas Asap vhuh Matania, Mikaia yahge Zakhu tsain bos.)
36 Nyah thang mha nyah vhuh jens Shemaia, Azarel, Milalai, Gilalai, Mai, Nethanel Yuda yahge Hanani moq los. Nyamoq gas Mangso dah dius Dawi yhung khoq dah lvbuh janghau lyis tsain chi. Lyi svra Ezra gas haih bang suh lhaink yvmas shwih.
37 Nyamoq gas Jeisthuq khomh jweh lyis Dawi dah wus pheh doq loh dah zvmlhangh chank doq loh. Dawi dah yhen yos lyis lai khoq las buisthuq wusciank mas joq dah Jeis Khomh pheh jens tauh jweh los.
38 Chunghthwe kat bang aiq vphung ka wusciank thoq loqwi shot pheh jens loh. Ngos Nehemia gas dvgohyih nyet nyeis bang yah dvgeh nyamoq thang mha chank jens loh. Ngamoq gas Tsau Tyoeuqzvm mas zis wusciank thoeu lai khoq.
39 Hou mhayah Ephraim khomh,note 12.39 Ephraim khomh lyis Khomh cauh eq ge. Oengdoq khomh, Hananel Tyoeuqzvm, Tyoeuqzvm Dvxo yahge Yvng khomh mas jweh loh. Ngamoq jens loh zis gas Yhenmuh mas wvng dah khyam khomh nvm mas thank.
40 Housoeh Mangso lhyi jyehjuh chungh chunghthwe kat yenh dah aiq phung gonh Yhenmuh joqyos mas jweh los. Ngos yah dvgeh dah uhshe bang thoq lyis,
41 ngah dius phung mha lvbuh janghau muot yenh dah phudyei bang Eliakim, Masea, Miniamin, Mikhaia, Elionenai, Zekharia yahge Hanania.
42 Hauh thang mha Maseia, Shemaia, Eleaza, Uzi, Yehohanan, Malkiya, Elam yahge Eza nghuot. Yezrahia shwih dah chunghthwe kat bang gas yomkat kaiq chungh.
43 Hauh nyeih lyis lomhxangh nyoshoq tsain lainh. Mangso ka dius jens lyis pyo nhang yvmvyah nyamoq svsoh tsain gauslaus. Vmesbih jens, loshang jens eq pwe bos xauh kuot las nyamoq dah thwe ka we shoq mas xauhgyo.
Paiq das xiklyis Kyauh
44 Hauh shishenh lyis Yhenmuh xiklyis vlu kat toh jyi jens lyis yoeuh das nyhenshang yukgis jens lyis tsain toh. Houmha ciboms dvboms, zvn yau zvn nyamoq cangxeih yoh yhomh dah jyo, cangxeih nyhink dah vshih tsain bos. Hauh bang gas lyi bos zis yah dvyhangteh, phudyei bang yahge Lewi jens xiklyis dyei vlu lyis wus nyoshoq vnvm mas joq dah danh masyah tsainh yoeus das yvwons bos. Yuda dius jens dvnganh gas, phudyei bang yahge Lewi jens lyis nhaiqdoeus.
45 Khasoeh ge lyis nyamoq gas cheihshang cho dah pwe, yahge Mangso tying toh dah lyi cho kuot dyei. Yhenmuh thwe yungh kat bang yahge Yhenmuh zungh bang eq hwankti Dawi yahge nyah lo Solomon toh dah lyi yah dvyhangteh nyamoq yvwons lyis tsain yoeus.Ref 12.45: 1Ss 25.1-8, 26.12
46 Gohlhain Hwankti Dawi yahge thwe yungh kat soeu Asap zaih masyah, thwe yungh kat bang gas Mangso lhyi chungh dah chunghthwe yahge nhaiqshoqlang chunghthwe kat cho lhyi uhshe chah.
47 Zerubabe yahge Nehemia zaih lyis eq, Israel dius jens dvnganh gas, Yhenmuh thwe yungh kat bang yahge yhenmuh zungh bang lyis pangh das xiklyis nyeih yau nyeih jyungshuk dyei. Dius jens gas Lewi jens lyis gyingshang vlu dyei, Lewi jens eq phudyei bang lyis gvmboms doms gvm dyei.