11
Yerusalem mas Nyeis bang
Uhshe bang gas Yerusalem wus mas tsain nyeis. Gohtoeu ka dvci yhen mha dvyhen gyingshang dah Yerusalem mas, nyet bang lyis gohtoeu wus jens mas nyeis nhang das xiklyis doeugoh zis yah tsain thyet. Yerusalem mas vsainnyang xihhonh zis yah nyeis bang lyis dius jens tsain chungh. Gohtoeu wus jens mas Israel jens, phudyei bang, Lewi vnyau vshih jens, Yhenmuh muh zwi bang yahge Solomon dah jyeidwis jens masyah yaus lyih bang gas vsainnyang wus vsainnyang yhen mha tsain nyeis.Ref 11.3: Neh 7.73
O mha zis gas Yerusalem wus mas nyeis, Yuda vnyau masyah yaus bang, Yuda mauxom mha dah uhshe bang tsain nghuot. Yuda vkoq mas bang:
Zekharia nyeilo, Uzia dah lo Athaia. Gohtoeu nyah phauh thyeih moq mas Yuda lo Pere masyah yaus lyih soeu Amaria, Shephatia yahge Mahalale moq bos.
Khothoze nyeilo, Baruk lo Maseia. Gohtoeu nyah phauh thyeih moq Shilo mas Yuda lo Shela masyah yaus lyih bang Hazaia, Adaia, Yoiarib, Zekharia moq tsain bos.
Pere dah nyei nyet jens mas thoeuqzoe 468 yuk moq gas Yerusalem mas nyeis. Benyamin vkoq mas bang:
Yoed nyeilo, Meshulam dah lo Salu. Gohtoeu nyah phauh thyeih moq mas Pedaia, Kolaia, Maseia, Ithiel yahge Yeshaia moq tsain bos.
Salu dah sainhchangh jens Gabai yahge Salai moq nghuot.
Benyamin vkoq mas zis dvnganh lyis 928 yuk moq gas Yerusalem mas tsain nyeis. Zikhri lo Yoel gas nyamoq dah uhjyung nghuot. Hasenua lo Yuda gas wus mas dah uhjyung aiq vyuk nghuot. 10 Phudyei bang gas:
Yoiari lo Yedaia yahge Yakin,
11 Meshulam nyeilo, Hilkia lo Seraia nghuot. Nyah phauh thyeih moq mas bos zis gas, Zadok, Meraiot yahge phudyei zainsmuh Ahitub moq nghuot. 12 Haih vhuh dvnganh lyis 822 yuk moq gas Yhenmuh mas tsain phuqsoe.
Pelalia nyeilo, Yeroham lo Adaia nghuot. Nyah phauh thyeih moq mas Amzi, Zekharia, Pashur, Malkhiya moq bos. 13 Haih vhuh mas dvnganh lyis 242 yuk moq gas vhuh uhshe bang nghuot.
Azai nyeilo, Azarel lo Amashsai nghuot. Nyah phauh thyeih moq Meshilemot yahge Imer moq bos. 14 Haih vhuh mas jes thoeuqzoe jens 128 yuk moq nghuot. Nyamoq dah uhshe soeu ka vhuh uhshe bang mas bos dah Zabdiel nghuot. 15 Lewi jens:
Azrikam nyeilo, Hashub lo Shemaia nghuot. Nyah phauh thyeih moq Hashabia yahge Buni moq bos.
16 Yhenmuh nghe pheh dah muh lyis yoeuh dah Lewi logis jens Shabethai yahge Yozabad.
17 Asap vnyau vshih Zabdi nyeilo, Mikha lo Matania gas nhaiqshoqlang shvmanh dung dah chunghthwe kat yvmas Yhenmuh chunghthwe kat bang lyis uhshe soeu nghuot.
Matania dah pangh thuk soeu ka Bakbukia nghuot.
Yeduthun dah vnyau vshih, Galai nyeilo, Shamua lo Abda nghuot.
18 Gyingshang wus Yerusalem mas nyeis dah Lewi jens dvnganh lyis 284 yuk. 19 Yhenmuh zungh bang:
Akub, Talmon yahge nyamoq dah sainhchangh jens dvnganh lyis 172 yuk.
20 Nyet shih Israel dius jens yahge nyet shih Phudyei bang yahge Lewi jens gas gohtoeu Yuda wus jens mas vsainnyang vso maunyeis mas tsain nyeis. 21 Yhenmuh muh zwi bang gas Yerusalem wus Ophel ge yvmas nyeis las Ziha yahge Gishpa gungh yvmas muh tsain zwi.
22 Yerusalem mas nyeis dah Lewi jens lyis yoeuh guon soeu ka Hashabia nyeilo, Bani lo Uzi nghuot. Nyah phauh thyeih moq gas Matania yahge Mikha moq bos. Nyang gas Asap vhuh yah sen. Nyang gas Yhenmuh mas paiq cho mha toenk khvlhank yvwons yoeus soeu nghuot. 23 Nyamoq gas khanyeih khaja kuot aq ge hwankti taiq toh zis yah dvyhangteh kuot.
24 Yuda dah lo Zera vhuh Meshezabe lo Pethahia gas Israel dius nyau yah sen dah muhzoh dvnganh xiklyis hwankti lhyi joeui dyei soeu nghuot.
Gohtoeu Wus mas Nyeis bang
25 Dius jens nyoshoq gas nyamoq dah danh yvm mas danh wus jens mas tsain nyeis. Yuda vkoq gas Kiriat Arba, Dibon yahge Yekabzel wus jens yahge hauh vyvm vwi wukhau jens mas tsain nyeis. 26 Nyamoq gas Yeshua, Molada, Bet-Pelet, 27 Hazashua, Besheba wus jens yahge vyvm vwi wukhau jens mas tsain nyeis. 28 Ziklag, Mekhona yahge vyvm vwi wukhau jens, 29 En Rimon, Zora, Yarmut, 30 Zanoa, Adulam yahge vyvm vwi wukhau jens mas nyeis. Lakhish wus yahge hauh vyvm vwi danh mas, Azeka yahge nyah wukhau jens mas tsain nyeis. Houka Yuda jens gas mautyi pheh Besheba yahge mautsung pheh Hinom Langhkhau jo maunyeis mas tsain nyeis.
31 Benyamin vkoq gas Geba, Mikmash, Ai, Bethel wus jens yahge hauh vyvm vwi wukhau jens mas, 32 Anathot, Nob, Anania, 33 Hazo, Rama, Gitaim, 34 Hadid, Zeboim, Nebalat, 35 Lod yahge Ono wus yahge loqmuh dap bang langhkhau mas tsain nyeis. 36 Yuda mau mas dah Lewi jens dvyhamh gas Benyamin dius jens yah dvgeh nyeis.