10
1 Kyihau tsain tap dah uhshe vzomh gas Hakhalia lo mungh zau Nehemia yahge Zedekia nghuot.
2-8 Phudyei bang
Seraia, Azaria, Yeremia,
Pashura, Amaria, Malkhiya,
Hatu, Shebania, Malukha,
Harim, Meremot, Obadia,
Daniel, Ginethon, Baruk,
Meshulam, Abiya, Miyamin,
Mazia, Bilgai yahge Shemaia nghuot.
9-13 Lewi jens gas:
Azani lo Yeshua,
Henadad vhuh mas Binnui,
Kadmiel, Shebania, Hodia,
Kelita, Pelaia, Hanan,
Mikha, Rehob, Hashabia,
Zakhu, Sherebia, Shebania,
Hodia, Bani yahge Beninu moq nghuot.
14-27 Dius jens dah uhshe bang gas:
Parosh, Pahat Moab,
Elam, Zatu, Bani,
Buni, Azgad, Bebai,
Adoniya, Bigwai, Adin,
Ata, Hezakia, Azur,
Hodia, Hashum, Bezai,
Harip, Anathot, Nebai,
Magpiash, Meshulam, Hezir,
Meshezabela, Zadok, Yadua,
Pelatia, Hanan, Anaia,
Hoshea, Hanania, Hashuba,
Halohesh, Pilha, Shobek,
Rehum, Hashabna, Mesea,
Ahia, Hanan, Anan,
Maluk, Harim, Bana moq nghuot.
Xamxonh Cho
28 Zain los bang gohtoeu eq tsain bos. Hauh bang gas, gohtoeu dah phudyei bang yahge Lewi jens, khomh zungh bang, chunghthwe kat bang, yhenmuh jyeidwis jens yahge ngamoq dah mau mas nyeis, gohnyau bang yah gang nyeis bang nghuot. Nyamoq gas nyamoq dah yhensain nyhiq yahge daq gyo goeus dah lo jens lyis tsain shwih huom toh.
29 Nyamoq dvnganhmoq gas ngamoq dah uhshe bang yah dvgeh, Mangso ka nyah jons Moshe lhyi dyei toh dah jyauh cho lhyi chank das ge, mau tsain khi. Ngamoq gas ngamoq dah Yhensain ngamoq lyis dyei toh dah lyi koeuq khanghmuh lyis vlhomuh chank das oen dangthoengh toh.
30 Haih zis gas ngamoq dah maukhi cho nghuot. Haih mau mas nyeis, gohnyau bang yah nyi yoeus yhenloh ma kuot das.Ref 10.30: Dyu 34.16; Deut 7.3
31 No Buisnyeis nghuot ya gyingshang buisnyeis lyis ngamoq lyis gohnyau bang los ungh dah guk nghuot ya gohtoeu cha lhyi eq ma wis das. Nyhet vzvn jweh khanghmuh ngamoq dah danh ma phuk das. Jyen ma doq lo das.Ref 10.31: Dyu 23.10-11; Lew 25.1-7; Lyi 15.1-2
32 Ngamoq dah Mangso yhen mha chah yvmas yhung das xiklyis zvn khanghmuh dvyuk lyis ngwis aungsaq xet boms dvboms kat das.Ref 10.32: Dyu 30.11-16
33 Hauh ngwis gas gyingshang ohlhyoq guk vlu, ngheq dyei vlu, No Buisnyeis lyis dah vlu, lhamhmuh canh pwe yahge gohtoeu pwe yoq lyis dah vlu, gohtoeu gyingshang vlu xiklyis tsain yhung das. Israel jens dah yaunos lyis yoeus tyamp dah yaunos vlu, gohtoeu dah gyingshang vlu yahge yhenmuh mas chah ya chah zis xiklyis hauh ngwis lyis yhung das zis nghuot.
34 Ngamoq dius jens, Lewi jens, phudyei bang gas Mangso dah yhenmuh mas joq dah phon thoq mas Mangso lhyi phudyei dah vyhang ngheq das thangh xo das xiklyis dvzvn dvzvn khah shishenh lyis khah yhenbang vvng das zis doeugoh las toeuq toh.
35 Ngamoq cangxeih yoh yhomh dah guk nyau shih nyau lyis Mangso dah yhen mas chi zain das.Ref 10.35: Dyu 23.19, 34.26; Lyi 26.2
36 Lyi mas bos zis yah dvyhangteh ngamoq dah loxeih jens lyis yhenmuh mas phudyei bang xikkhonh mas Mangso lhyi kyauh das. Ngamoq dah gaunyhauq mas cangxeih suot dah noeu, yvng, shvbeq lyis yhenmuh mas phudyei bang jyank mas chi e das.Ref 10.36: Dyu 13.2
37 Hauh thoq lyis ngamoq dah zes gis guk, zvbiq, shih vja ja yahge coeu lyis phudyei bang xiklyis yhenmuh jyi mas e kat das.Ref 10.37: Gyu 18.21
Ngamoq dah wugungs chank yah Lewi jens chank kui yenh dah ciboms dvboms vlu lyis ngamoq kat das.
38 Housoeh Lewi jens ciboms dvboms chank kui yenh lyis Aron vnyau phudyei soeu dvyuk shwih chah. Lewi jens gas ngamoq jyank masyah yoh kui dah ciboms dvboms mas zis ciboms dvboms lyis Mangso dah yhenmuh mas e kat chah.Ref 10.38: Gyu 18.26
39 Lewi eq bos dah ngamoq Israel jens gas vsainnyang dah guk vlu, zvbiq vlu, coeu vlu lyis Mangso dah yhenmuh mas yhung, gyingshang auh khuq toh dah yvp mas e toh das. Hauh yvp gas Yhenmuh mas muh vvng dah phudyei bang, yhenmuh chunghthwe kat bang, khomh zungh bang eq nyeis dah yvp nghuot.
Ngamoq gas yhenmuh lyis wontang yoeuh das.