4
Solomon dah Zau jens
1 Hwankti Solomon gas Israel dvnganh dah hwankti nghuot.
2 Hauh bang gas nyah zauguon jens tsain nghuot.
Zadok lo Azaria gas phudyei soeu;
3 Shisha lotang Elihorep yahge Ahiya gas hwankti maussauh lhaih vzomh;
Ahilud lo Yehoshaphat gas hwankti dah comh soeu;
4 Yehoiada lo Benaia gas jeszau zainsmuh,
Zadok yahge Abiatha ka phudyei vzomh;
5 Nathan lo Azaria gas zauguon jens thoq mas soeu;
Nathan lo Zabud gas phudyei soeu yahge hwankti yoh loms dah joeui dyei soeu nghuot.
6 Ahisha ka hwankti yhen guon soeu;
Abda lo Adoniram gas muh zwi bang thoq mas soeu nghuot.
7 Solomon gas, hwankti yahge nyah yhenbang zo das wom toeuq das xiklyis Israel mau gonh mas zau dvci aiq yuk toh. Nyamoq gas lhamhmuh dvkhyvp lyis dvyuk muh wons.
8 Heika nyamoq dah nyings tsain nghuot:
Ephraim boms mas Benhur;
9 Makaz wus, Shalbim wus, Bet Shemesh wus, Elon Bet Hanan wus mas Bendeker;
10 Arubot yahge Sokho wus mas Benhesed: nyang gas Hepha mau gonh yah sen.
11 Dor pa gonh mas Benabinadab: nyang gas Solomon dah lonyi Taphat lyis nyah yhensain nyhiq khyvlyis yoh toh.
12 Tanak, Megido wus yahge, Yezrel wus mautyi mha joq Zarethan wus nvm, Bet Shean nvm mas dah mau gonh, Yokmeam wus yahge Abel Mehola wus jweh shoq gas Ahilud lo Bana;
13 Bengeber: nyang gas Ramot GileadnoteGilead mau Ramot wus yahge Gilead mau mas joq Manase vnyau vshih, Yair vkoq bang dah wus jens, yahge Bashan mau Argob wuxom mha wusciank ci lha thunk wus khomh bos dah wus khyukci wus;
14 Mahanaim mas Ido lo Ahinadab;
15 Napthali mas Ahimaz: nyang gas Solomon dah lonyi Basemat lyis yoeus.
16 Asher mau yahge Bealot wus mas Hushai lo Bana;
17 Isakha mau mas Parua lo Yehoshaphat;
18 Benyamin mau mas Ela lo Shimei;
19 Amori hwankti Sihon yahge Bashan hwankti Og yah sen dah Gilead mau mas Uri lo Geber guon.
Haih dvci aiq yuk thoq lyis ma goh, dvmau gonh lyis guon das soeu dvyuk bos.
Solomon Guon Yoq
20 Yuda yahge Israel jens gas thomh yvm mas dah sihsho teh nyo. Nyamoq gas zo shuk zis nyoshoq yoh las svsoh nhaiqdainh.
21 Solomon gas Uphrat lvng masyah Philisti mau Egutu maukyo jweh shoq dah munghdan lyis guon. Nyah kang dwis yoq gonh mas nyamoq gas khoengh kat las Solomon lyis phuqsoe.Ref 4.21: Vpm 15.18; 2Ss 9.26
22 Solomon hwankti yhen mha nyeihyau chah zonoms gas sunghso mons 3,000 paung, chen mons 6,000 paung,
23 nyhuk toh noeu dvci, kat toh noeu aiqci, cvt shoh chei shoh vja ja zis ma suon, yvng dvxo, nyhuk toh nghoq tsain nghuot.
24 Solomon gas Uphrat lvng buiswvng tvp Tipsa masyah Gaza jweh shoq dah hwankti jens dvnganh lyis guon. Nyah yvmlhaink shot khanghmuh bang yah nyenstap goh joq.
25 Nyah zaih lyis Yuda yahge Israel jens gas Dan masyah Besheba jweh shoq jes ma bos, hank eq hank nyang dah zvbiq nwis, maiphang zains khyei mha nyenstap zis yah nyeis.
26 Solomon gas nyah lhyingh she das nyang zungs nyei mons, nyang ji bang dvmons aiq khyoengh yoh.Ref 4.26: 1Hw 10.26; 2Ss 1.14, 9.25
27 Mungh zau jens gas lhamhmuh dvkhyvp lyis dvyuk, hwankti Solomon xiklyis eq, hwankti Solomon dah zo jus mas bos bang xiklyis eq zonoms gvm dyei. Nyamoq gvm dyei cho mha ma i.
28 Nyamoq gas hwankti dah nyang jens xiklyis ma joq ma gis dah bali yahge huhyau lyis eq nyang zungs jens mas dih toh dyei.
29 Mangso ka Solomon lyis ma thoq keq shoq nyo dah joeui, seq cho yahge seqgyo cho zainsmuh tsain dyei.
30 Housoeh las Solomon dah joeui ka buisthuq mau lo jens dah joeui yahge Egutu mau joeui dvnganh thoq lyis zes joq.
31 Khasoeh ge lyis nyang gas dius dvnganh thoq lyis joeui zes bos. Ezrahi dius Ethan yahge Mahol lo jens Heman, Khako, Darda moq thoq lyis zes bos las vyvm vwi munghdan khanghmuh mas nyings hoeuh.Ref 4:31: Chd 89 (Dang jyung)
32 Nyang sodang somh khyoengh, chunghthwe dvkhyoengh oeng koeuq lhaih.Ref 4:32: Sod 1:1, 10:1, 25:1; SmL 1:1
33 Lebanon boms mas dah shvxoeuh mas zis ciank masyah yuk thuq los dah shomnhamhnote 4:33 shomnhamh: nghuot ya hyssop * cho jweh shoq saiq nyau changjet lyis taiq; nyang gas yewus jens, nghoq jens, du shweh ja yahge oengdoq jens dah cho lhyi eq taiq toh.
34 Mau khanghmuh mas dah hwankti jens gas Solomon dah joeui dang gyo das xiklyis nyamoq dah lvgyo jens lyis nhang kat.