20
Phang Khau das Wus jens
1 Hauh thang lhyi Yhensain Yoshua lyis taiq zis gas,Ref 20.1-9: Gyu 35.9-34; Lyi 4.41-43, 19.1-13
2 Nvng Israel jens lyis taiq das zis gas, ngos Moshe lhyi yah taiq toh zis yah dvyhangteh, khau das wus khyen toh geh.
3 Dvyuk yuk dius sat das ge ma sont, zangh sat lyis, shei soeu yhenbang lvto phuk mhayah yoh phang khau das.
4 Nyang dvwus wus mas yoh phang loh das. Nyang wus khomh mas yap las hauh wus logis jens lyis nyah cho taiq kyoh lyis, nyamoq gas wus khau mha shwih loh las nyamoq mas joqyos dyei zis yah nyang nyamoq yah yoh nyeis das.
5 Lvto phuk soeu houmha chank khat los lyis, hauh wus mas bang gas nyah loq mas ma gis kyauh: Khomh kat chah, khasoeh ge lyis nyang hauh soeu lhyi nhaiq yo las ma nghuot dvzangh sat.
6 Nyang gas soetuon jang mas soetuon kham shoq, hauh zaih lyis dah phudyei zainsmuh shei shoq hauh wus mas nyeis chah. Hauh thang lhyi hau dius sat soeu nyah yhen, nyang phang khoq wus pheh yoh tauh loh.
7 Housoeh Israel jens gas jesluiq joqyos dvkhamh tsain khyen toh. Houka Galile mau Napthali boms mas Kedesh wus, Ephraim boms mas Shekhem wus, Yuda boms mas Kiriat Arba ge Hebron wus tsain toeuq toh.
8 Yodan lvng buisthuq tvp, Yerikho nvm Ruben mau mhanhdyvp janggyon mas Bezer wus, Gad mau Gilead mas Ramot wus, Manase mau Bashan mas Golan wus lyis tsain toeuq toh.
9 Heika Israel jens dvnganh yahge nyamoq mas khau nyeis boenghwus xiklyis khyen toh phang khau das wus tsain nghuot. Dius zangh sat soeu hank laus eq soetuon jang mas ma yap shih lyis lvto phuk soeu loq masyah luiq shoq phang khau das wus tsain nghuot. Soetuon zis ma xauh shih lyis nyang lyis ma gis sat.