15
Yuda Maunyeis
Yuda vkoq yhenbang khyvlyis xauh yoeus dah maunyeis gas o mha taiq toh khyvlyis nghuot. Hauh mau gas, mautyi pheh Edom maukyo Zin mhanhdyvp jweh shoq nghuot. Haih Mautyi pheh nyamoq dah maukyo ka Coh Thomh vthang mhayah, mautyi pheh gyoh las Akrabim langhwuq masyah Zin mhanhdyvp jweh. Houka Kadesh Barnea dah mautyi pheh Hezron lai las Adar wus jweh las, Kaka wus pheh xoeu loh. Hou mhayah Azmon wus, Egutu maukyo mha dah jeislo lvng chank yah Mediteranean thomh mas thank. Heika Yuda yahge Israel vkoq dvnganh dah mautyi maukyo nghuot.
Buisthuq pheh maukyo ka Coh Thomh mas Yodan lvng yaus wvng joqyos jweh shoq nghuot. Hou mhayah mautsung maukyo xi lha, Bet Hogla pheh doq las mautsung pheh Bet Araba pheh tsoq doq loh. Houmha zis Bohan luk mas jweh. Bohan ka Ruben dah lo nghuot. Houmha zis Akho langhkhau chank yah Debir, hou mhayah langhkhau dah mautyi shot joq dah Adumim langhwuq twi twi, mautsung pheh Giga wus lai las En Shemesh jeislvng chank yah En Rogel pheh thuq loh. Hou mhayah Yebusi jens nyeis dah Yerusalem joq dah mautyi pheh Hinom langhkhau buiswvng shot jing thyoh jweh shoq loh. Houka mautsung pheh Rephaim langhkhau thank yvmas nghuot. Hou mhayah Neptoa jeisthuq dwang jens lai las Ephron boms nvm mas dah wus jens mas jweh. Hauh thang lhyi Bala ge dah Kiriat Yearim wus pheh loh. 10 Bala masyah hau maukyo ka buiswvng pheh Edom boms pheh loh. Hou mhayah tsoq loh las Kesalon eq ge dah Yearim boms mautsung chank yah Bet Shemesh wus mas jweh loh, hou mhayah Timna wus, 11 hou mhayah Ekron wus mautsung pheh dah jing, hauh thang lhyi Shikeron wus, Bala boms, Yabnel pheh tsoq loh las Mediteranean Thomh mas thank. 12 Mediteranean thomh gas buiswvng shot pheh maukyo nghuot. Haih maukyo jens dah vkhau mha Yuda jens yhenbang khyvlyis tsain nyeis.
Khaleb Hebron, Debir lyis Ung \r (Soe 1:11-15)
13  Yhensain Yoshua lyis tying toh zis yah dvyhangteh, Yephun lo Khaleb lyis yos dvchuq dyei. Nyang gas Anak dah uwus Arba yah sen dah Hebron wus xauh yoeus.Ref 15.13-14: Soe 1.20 14 Khaleb gas Anak dah vnyau nghuot dah Sheshai, Ahiman, Talmai vhuh jens lyis hauh wus masyah khat tyamp. 15 Nyang hou mhayah Debir vnyau vshih lyis loh zan: Debir lyis xikpheh gas Kiriat Sepher ge lui. 16 Khaleb taiq zis gas, Kiriat Sepher wus lyis yoh zan soeu lhyi ngah lonyi Aksa dyeizo das, ge. 17 Khaleb vnoeuh Kenaz dah lo Otniel gas hauh wus lyis zan yoeus las Khaleb gas hauh soeu lhyi nyah lonyi Aksa dyeizo. 18 Nyi hwank nyeih lyis Otniel gas nyang lyis nyah uwus jyank masyah yos dvkhyangh sang das xiklyis yomdyei. Housoeh nyang mauhlyihzoe masyah gyoh los. Khaleb eq, Nvng cha o, ge nyei.note 15.18 Haih vdoeus Hebre mas Aksa yah Otniel lyis yomdyei ge bos. 19 Nyang phuk taiq zis gas, Nvng ngos lyis dyei dah maunyeis gas nyeis kyuk yos nghuot las, ngos lyis jeis dwang tsain dyei aq, ge. Housoeh las Khaleb gas nyang lyis goq mas dah jeisthuq dwang eq, o mha dah jeisthuq dwang eq dyei.
Yuda Wus jens
20 Heika Yuda vkoq yhenbang nyamoq dah vso maunyeis khyvlyis xauh yoeus dah mau nghuot. 21 Mautyi vthang pheh Edom maukyo nvm mas nyamoq yah sen dah wus jens gas Kabzel, Eda, Yagu, 22 Kina, Dimona, Adada, 23 Kedesh, Hazo, Ithnan, 24 Zip, Telem, Bealot, 25 Hazo Hadata, Keriot Hezron ge dah Hazo, 26 Amam, Shema, Molada, 27 Haza Gada, Heshmon, Bet-Pelet, 28 Haza Shua, Besheba, Biziotia, 29 Bala, Iim, Ezem, 30 Eltolad, Khesil, Horma, 31 Ziklag, Madmana, Sansana, 32 Lebaot, Shilhim, Ain, yahge Rimon nghuot. Nyamoq dah wukhau eq cheq hauh wus dvnganh lyis aiqci gau wus nghuot. 33 Jangpa mha Eshtaol, Zora Ashna, 34 Zanoa, Enganim, Tapua, Enam 35 Yarmut, Adulam, Sokho, Azeka, 36 Sharaim, Adithaim, Gedera, Gederothaim nghuot. Nyamoq dah wukhau jens eq cheq dvnganh lyis dvci nyei wus nghuot.
37 Zenan, Hadasha, Migdalgad, 38 Dilean, Mizpa, Yoktel, 39 Lakhish, Bozkat, Eglon, 40 Kabon, Lamam, Kitlish, 41 Gederot, Betdagon, Nama yahge Makeda nghuot. Nyamoq dah wus yahge vyvm vwi wukhau jens eq mulas dvnganh lyis dvci khyuk wus nghuot.
42 Libna, Ether, Ashan, 43 Ipta, Ashna, Nezib, 44 Keila, Akzib, Maresha nghuot. Nyamoq wukhau eq dvnganh lyis gau wus nghuot.
45 Ekron yahge nyah wukhau jens, 46 Ekron masyah thomh jweh shoq, Ashdod nvm mas dah wus, wukhau dvnganh,
47 Ashdod yahge Gaza nyamoq dah wus jens, wukhau jens: Egutu maukyo mha dah jeislo lvng yahge Mediteranean thomh jyankyvm jweh. 48 Boms mau mas Shami, Yati, Sokho, 49 Dana, Debir ge Kiriat Sepher, 50 Anab, Eshtemoa, Anim, 51 Goshen, Holon yahge Gilo nghuot. Hauh vyvm vwi wukhau eq cheq dvnganh lyis dvci dvwus nghuot.
52 Arab, Duma, Eshan, 53 Yanim, Bet Tapua, Apheka, 54 Humta, Hebron, Zio nghuot. Hauh vyvm vwi wukhau jens yah dvgeh gau wus.
55 Maon, Khamel, Zip, Yuta, 56 Yezrel, Yokdeam, Zanoa, 57 Ka-in, Gibea yahge Timna nghuot. Hauh vyvm vwi wukhau jens dvnganh lyis dvci wus.
58 Hahul, Betzu, Gedo, 59 Marat, Betanot yahge Eltekon nghuot. Hauh vyvm vwi wukhau jens eq dvnganh lyis khyuk wus.
60 Kiriat Yearim ge Kiriat Bal yahge Raba nghuot. Hauh vyvm vwi wukhau jens eq cheq aiq wus.
61 Mhanhdyvp wus jens gas: Bet Araba, Midin, Sekaka, 62 Nibshan, Coh wus yahge Engedi: Hauh vyvm vwi wukhau jens eq cheq dvnganh lyis khyuk wus.
63 Yuda jens gas Yerusalem mas nyeis dah Yebusi jens lyis ma yoh khat tyamp. Housoeh Yebusi jens gas Yuda jens yah dvgeh nyeis shih.Ref 15.63: Soe 1.21; 2Sa 5.6; 1Ss 11.4