13
Yoeus Chah Shih Maunyeis
1 Gvshih Yoshua gas svsoh mang goeus. Yhensain nyang lyis taiq zis gas, Nvng svsoh mang goeus, nghuot laus eq yoeus chah shih mau eq nyoshoq nghuot shih.
2 Philisti yahge Geshu mau dvnganh,
3 Mautyi pheh Awim mau gonh eq nghuot. Houka Egutu maukyo Shihor lvnglo masyah mautsung pheh Khanan mau mas bos dah Ekron wus jweh shoq nghuot. Philisti hwankti jens gas Gaza, Ashdod, Ashkelon, Gat, yahge Ekron wus mas tsain nyeis.
4 Khanan mau gonh yahge Sidon jens yah sen dah Meara wus; Amori maukyo Aphek wus jweh shoq;
5 Gebal jens dah mau; buisthuq shot Hermon boms mautyi pheh Bal Gad masyah Hamat langhwuq jweh shoq dah Lebanon mau gonh nghuot.
6 Heika Lebanon boms yahge Misrephot Maim jo mas nyeis, boms dius jens ge Sidon jens dah mau dvnganh bos. Israel jens jweh los zis yah dvyhangteh ngos nyamoq lyis khat tyamp das. Housoeh las ngos nvng lyis kuot nhang toh zis yah dvyhangteh, Israel jens lyis hauh maunyeis gvm dyei aq.Ref 13.6: Gyu 33.54
7 Housoeh las gvshih haih mau lyis hau gau koq yahge Manase vkoq dvgohyih lyis vso gvm dyei aq.
Yodan Buisthuq pheh Mau Gvm
8 Ruben vkoq, Gad vkoq yahge Manase vkoq dvgohyih gas Yhensain dah jyeidwis Moshe nyamoq lyis dyei dah mau xauh yoeus goeus; Houka Yodan lvng buisthuq tvp pheh nghuot.Ref 13.8: Gyu 32.33; Lyi 3.12
9 Nyamoq dah maunyeis dvm loh zis gas Arnon langhkhau vthang Aroer jweh shoq, langhkhau vgungs mas dah wus, Medeba pa mhayah Dibon jweh shoq dah janggyon dvnganh bos.
10 Amon maukyo jweh shoq yahge Heshbon wus mas guon khoq, Amori hwankti Sihon guon khoq dah wus jens dvnganh bos.
11 Gilead mau, Geshu yahge Makha mau, Hermon boms dvnganh, Salekha mau jweh shoq Bashan joqyos dvnganh bos.
12 Rephaim thang thank nghuot soeu, Ashtarot yahge Edrei wus mas guon khoq soeu, hwankti Og dah munghdan bos. Haih dius jens lyis Moshe zan ung lha khat tyamp.
13 Nghuot laus eq Israel jens gas Geshu yahge Makha dius jens lyis ma khat tyamp: nyamoq gas Israel jens mas nyeis shih.
14 Moshe ka Lewi vkoq lyis maunyeis ma dyei: Yhensain Moshe lhyi taiq zis yah dvyhangteh, Yhensain, Israel Mangso lhyi ngheq dyei, phon thoq mas dah lomhxangh gas nyamoq dah gvmboms vso xauh yoeus.Ref 13.14: Lyi 18.1
Ruben Maunyeis Thyet
15 Moshe ka Ruben vkoq lyis nyamoq yhenbang khyvlyis vso maunyeis gvm dyei.
16 Nyamoq dah mau dvm zis gas Arnon langhkhau vthang Aroer wus jweh shoq yahge hau langhkhau vgungs mas wus yahge Medeba vyvm vwi janggyon dvnganh bos.
17 Heshbon yahge hau pa mha dah wus dvnganh: Dibon, Bamot Bala, Bet Balmeon bos.
18 Yahaz, Kedemot, Mephat,
19 Kiriathaim, Sibma, langhkhau mha dah jing mas joq dah Zeret shaha.
20 Bet Peor, Pisga boms janggyon yahge Bet Yeshimot.
21 Pa mha dah wus jens dvnganh, Heshbon mas guon khoq dah Amori hwankti Sihon dah munghdan gonh bos. Moshe ka nyang lyis ung lha Midian zau jens Ewi, Rekem, Zu, Hu, yahge Reba lyis eq ung. Nyamoq dvnganh gas hwankti Sihon dah mau lyis guon dyei bang nghuot.
22 Israel jens sat yvmas hweq kat las pe soeu Beor dah lo Balam bos.
23 Ruben vkoq dah buiswvng pheh maukyo ka Yodan lvng nghuot. Heika Ruben vkoq lyis nyamoq dah vso khyvlyis dyei dah wus jens tsain nghuot.
Gad Vkoq dah Maunyeis
24 Moshe ka Gad vkoq lyis eq nyamoq yhenbang khyvlyis vso maunyeis gvm dyei.
25 Nyamoq dah maunyeis gas Yazer, Gilead wus dvnganh, Amon mau dvgohyih, Raba wus buisthuq pheh dah Aroer wus jweh shoq bos.
26 Nyamoq dah mau gas Heshbon masyah Ramat Mizpe wus yahge Betonim wus jweh shoq; Mahanaim wus masyah Lodeba maukyo jweh shoq dvm.
27 Yodan Langhkhau mha eq Bet Haram wus, Betnimra, Sukot yahge Zaphon wus, Heshbon mas dah hwankti Sihon dah munghdan nyet shih zis dvnganh bos. Nyamoq dah buiswvng pheh maukyo ka Yodan lvng mautsung pheh Galile thomhlo jweh shoq nghuot.
28 Heika Gad vkoq lyis yhenbang khyvlyis dyei dah vso wus kuh wus lo tsain nghuot.
Buisthuq pheh Manase Mau
29 Moshe ka Manase vkoq dvgohyih lyis nyamoq yhenbang khyvlyis vso maunyeis gvm dyei.
30 Nyamoq dah mau gas Mahanaim wus jweh shoq dvm. Bashan dvnganh, hwankti Og dah munghdan gonh, Bashan hwankti, Bashan mau Yair mas bos dah wukhau khyukci bos.
31 Gilead mau dvgohyih, Bashan mau, Og dah munghdan mas dah wusmuh Ashtarot yahge Edrei jweh shoq bos. Hai dvnganh gas Manase lo Makhi mhayah yaus lyih dah yhenbang dvgohyih lyis dyei.
32 Heika Yerikho yah twi twi, Yodan lvng buisthuq pheh Moab pa mha Moshe mau khasoeh gvm dyei cho nghuot.
33 Nghuot laus eq Moshe Lewi vkoq lyis gas mau ma dyei. Nyang nyamoq lyis taiq zis gas, Yhensain, Israel Mangso lhyi dyei dah jyungshuk gvmboms ka nyamoq dah vso nghuot das, ge.Ref 13.33: Gyu 18.20; Lyi 18.2