45
Baruk Lyis Dangthoengh
Yosia lo Yehoiakim Yuda hwankti kuot zis nyei vzvn lyis Neria lo Baruk gas ngos nyang lyis taiq zis lhaih toh. Hauh thang lhyi, ngos nyang lyis taiq,Ref 45.1: 2Hw 24.1; 2Ss 36.5-7; Dan 1.1-2 Yhensain, Israel Mangso nvng lyis taiq, Baruk eh, Nvng taiq zis gas, Ngos vsomh kham goeus. Yhensain ka ngos yau cho mha nhaiqkuk cho lung dyei. Ngos soqmuh nyhank las nyung daus, ngos ma xauh no, ge.
Nghuot laus eq ngos, Yhensain, tsuk las thyoq khyoq nyeis. Ngos tsungh toh zis khuot tyamp nyeis. Ngos haih zis nyeisjvng gonh mas kuot das. Nvng nvnyang xiklyis kuhxing cho xo nyeis lhyeh? Vxo, ngos dius dvnganh mas dyoqbis zainsmuh she kat nyeis. Nghuot laus eq nvng loh yvmas nain thank nah kang phang luiq das. Ngos, Yhensain taiq goeus.