12
Yeremia Yhensain lhyi Nyei
Yhensain eh, ngos ngah soe nvng yah taiq goh lyis
nvng gas dan cho kyink thuq los.
Nghuot laus eq ngos nvng lyis lyi jus cho nyei chah.
Lhung bang chamus hou iq nyeis gis los?
Lom ma luk bang chamus ung los?
Nvng nyamoq lyis tsungh toh las nyamoq vnyet chent,
nyamoq yuk kuh las vshih shih los.
Nyamoq vjangh nvng gis cho taiq laus eq,
nyamoq jyoengh nah cho loqzamh ma zwi.
Nghuot laus eq Yhensain eh, nvng ngos lyis seq,
nvng ngos cha kuot zis eq,
ngos nvng lyis kha iq jyet zis eq nyvng.
Haih ma gis bang lyis, sat dah yvng lyis she loh teh, lang she loh aq.
Nyamoq lyis sat das shishenh jweh shoq zungh aq.
Ngamoq dah mau gas khanyhank jweh shoq kyuk las
boms mau gonh mas dah mhanh nyhauh loh das lah?
Ngamoq dius jens dah lhung cho gvng mas
gaunyhauq yahge nghoq jens shei loh nyeis.
Haih dius jens taiq zis gas, Ngamoq cha kuotnote 12.4 Ngamoq cha kuot nyeis, ge zis Hebre mas, ngamoq dah vthang, ge toh yvlyis Mangso ma nyvng, ge.
 
Yhensain taiq,
Yeremia eh, nvng dius jens yah khyank goh lyis nyung lyis,
nyang jens yah khasoeh yoh khyank goh das lah?
Nvng pa mha yangh ma yoh yap lyis
Yodan lvng nvm mhanhdyvp mas khasoeh yoh zwi das?
Nah buisnoms, nvnyang yhenbang yangh nvng lyis mhuih las
nvng lyis zan das bang yah tsoq goh.
Nyamoq dang chau jis laus eq nyamoq lyis vloms.
Yhensain Dius jens lyis Kuk
Yhensain taiq,
Ngos Israel lyis tyamp goeus,
ngos khyen yoeus dah dius nyau lyis peq goeus.
Ngos jyet dah dius, nyamoq dah
jeswus yomsoq mas ngos kyauh goeus.
Ngos khyen yoeus dius jens ngos lyis tyi lha nungs phuk goeus.
Nyamoq gas jyom mha khangkhyi teh ngos lyis kaiq.
Housoeh las ngos nyamoq lyis hoeng.
Ngos khyen dah ngah dius jens gas
wuq dvng zons jens shot khanghmuh masyah
los lhaink chweh dah nghoq yah doeusgoh.
Hau wuq dvng zons jens gas yewus jens lyis hauh pwe mha los bos geh ge khi.
10 Guon dah lvbaus nyoshoq ngah zvbiq khyam lhyi mhont goeus.
Nyamoq ngah jyo lhyi nang khyop tyamp.
Ngah mau yungh lyis jyamhjyuklhyuk kuot tyamp.
11 Nyamoq hauh yvlyis yos hwangh kuot las
hauh zis ngah xikkhonh mas jyamhjyuklhyuk joq.
Hauh mau mas nyeis bang hank eq loqzamh ma zwi yvmvyah
dvmau gonh sihyos bweh joq.
12 Tyeihgeles jing nyhang mha
dius jens los thyoq.
Hau mau gonh mhont das xiklyis ngos moeng dyoq nhang;
hank eq nyenstap zis yah ma yoh nyeis.
13 Nyamoq sunghso kat laus eq
nyoq shih dvxauh yhomh.
Nyamoq yomkat zwi laus eq hauh xiklyis cha ma yoh.
Ngos nhaiq gis yo yvmvyah nyamoq jyo yonh tyamp.
Yhenkyoh Dangthoengh
14  Yhensain taiq, Ngos ngah dius Israel lyis dyei toh dah mau lyis thyoq khyoq bang Israel dah yhenkyoh cho dvja taiq chah. Ngos hau lhung dah dius jens lyis nyamoq dah mau masyah, vnyet eq cheq khuot tyamp dah vzains teh yoeus tyamp las ngos Yuda lyis nyamoq masyah khyuot das. 15 Nghuot laus eq nyamoq lyis yoeus tyamp thang lhyi ngos nyamoq lyis nhaiqnyen das. Ngos nyamoq dvnyau dvnyau lyis nyamoq nyang mau, nyamoq nyang maunyeis mas shwih tauh los das. 16 Nyamoq nhaiqlom dvnganh yah ngah dius jens dah lomsnoq cho lhom yoeus las ngah dius jens lyis Bala nyings yoeus las maukhi das cho jyauh ku teh, Yhensain nyang nyeis zis yah dvyhangteh oen maukhi lhyi ka, nyamoq ngah dius mas bos das las nyamoq nyeisgis yaplhoq das. 17 Nghuot laus eq kha vnyau eq domsyos ma gyo, housoeh lyis ngos shank shoq khuot tyamp das, mhont das. Ngos, Yhensain taiq goeus.