18
Bildad
1-2 Yoba eh, nvng soeh teh dius gas khanhamp yoh sam das lah? \q2 Nvng no las gyo lyis gas ngamoq nvng yah yoh jisgoh das.
3 Nvng ngamoq lyis noeu teh dvnghamh,
nvng ngamoq lyis koh ge nghamh.
4 Nvng nhaiqyo zis yah nvnyang gungs lyis dvnos nhang.
Nvng nhaiqyo yvmvyah nyeisjvng phang loh das lah?
Nvng ehnyet tap shoq Mangso ka boms lyis xwih tyamp dyei das lah?
5 Lhung bang dah bvng zis dyuk loh das:Ref 18.5-6: Yob 21.17
hau nyilhyam ka khanhamp eq madoms duk lo das.
6 Nyamoq zvng mas nyitoengh soeng soeng noq das.
7 Nyamoq beszoh gas goeng khoq laus eq gvshih nyamoq thungh lains,
las nyamoq nyang dah joeui dyei yvmas nyih.
8 Nyamoq nyho thung yvmas wvng loh las nyamoq khyei mha nyih.
9 lhyik mas nyamoq khyeichuk nyih las hauh zis yah lang toh.
10 Nyeisjvng mas twih gauh khyoq toh;
nyamoq dah cho mha lhyik thung toh.
11 Nyamoq dah yvmlhaink mas gyukphoh zis yah langh nyeis.
Houka nyamoq thang mha tsuk tsuk chank los.
12 Nyamoq gas dis ku laus eq gvshih nyamoq yuot shet loh;
dyoqbis zainsmuh gas nyamoq dah vyvm mas langh yap joq.
13 Nyamoq dah gungs mas shei phoh noslom dyos loh las
hauh gvng mas nyamoq dah loqyom yahge khyei lhyi bop nhang.
14 Nyamoq jesluiq nyeis dah zvng masyah gang loh.
Shei Zau jyank mas lang she loh zis xauh.
15 Hwank sanh las noslom bau sat
thang lhyi gvshih nyamoq dah zvng mas dvyuk yuk gis nyeis.
16 Nyamoq dah vnyet yahge vko ka nyhauh las kyuk loh.
17 Nyamoq dah nyings hoeuh cho ka yhen khau mha eq we pheh eq thank tyamp.
Nyamoq lyis hank eq ma soh lo.
18 Nyamoq gas kang dwis nyeis mau masyah khat tyamp zis xauh das,
bvng masyah chuot yvmas khat tyamp zis xauh das.
19 Nyamoq vnyau vshih ma bos,
doeng nyeis zis eq hank ma bos.
20 Buisthuq masyah buiswvng jweh shoq nyamoq dah uhpui loqkyoq lyis
xauhgyo bang dvnganh gas gyuk zis yah tsain nvn.
21 Houka Mangso xiklyis cha ma nghamh,
ma gis bang dah uhpui loqkyoq nghuot, ge.