15
Moab lyis Mhont das
1 Heika Moab dah loeus nghuot.Ref 15.1—16.14: Esa 25.10-12; Yer 48.1-47; Ezk 25.8-11; Amo 2.1-3; Zep 2.8-11
Moab mas dah Ar wus yahge Kir wus gas dvnyens dvm lyis dyoqbis las Moab mau gas jyamhjyuklhyuk mus goeus.
2 Dibon mas bang gas jing mas dah phvra mas ngaus das xiklyis doq loh. Moab dius jens gas Nebo yahge Medeba wus jens xiklyis tsain kuk ngaus; nyamoq kuk las uhyuk, nhuotmi eq yuk tyamp.
3 Talhoeu mha bang gas yanghthung dyi wuot, wus khau mha eq, yhenkhung thoq mha eq dius jens kuk las tsain ngaus.
4 Heshbon yahge Eleale mas bang kaiq ngaus zis gas Yahaz wus mas jweh shoq xauhgyo las jeslo jens yangh nvn las womh cho ma bos lo.
5 Ngah ehnyet Moab xiklyis ngaus; dius jens gas Zoar wus pheh phang lha Eglat Shelishiya jweh shoq loh. Dvyhamh gas ngaus zoh lyis Luhit boms cho pheh doq loh. Horonaim pheh kaiq ngaus zoh lyis phang luiq loh.
6 Nimrim jeislo lvng kanh las hauh vyvm mas dah mhanh nyaus nyhauh goeus, nyaus zis chaeq ma nyet lo.
7 Dius jens gas nyamoq dah zisyos kyahsoe dvnganh yah Willow langhkhau thyitvp pheh phang luiq loh.
8 Moab dah maukyo dvkhau yah ngaus thwe xauhgyo. Eglaim yahge Berelim jweh shoq xauhgyo.
9 Dibon wus, jeislvng gas suih yah nes joq. Mangso ka houmha dius jens xiklyis zes xungh zis yung toh. Nghuot goeus Moab mas nyet shih bang yuk khanghmuh lyis suih thomh thyih sat das cho nghuot.