11
Nyenstap Munghdan
1 Dawi dah zauguon vkoq gas thoeuq lhain goeus dah saiqzains teh nghuot. Nghuot laus eq hauh vngot masyah vnyuk tuot los, housoeh Dawi dah dius jangh caiq masyah hwankti vsaiq dvyuk thuq los das.Ref 11.1: Nyoq 5.5, 22.16
2 Yhensain dah Dyos gas, nyang nyah dius lyis guon das xiklyis joeui yahge \q2 seq cho, lyes cho dyei das.
Nyang gas Yhensain dah o cho lhyi seq las
nyang lyis gyukwoms das.
3 Nyang gas domsyos gyo zis yah Yhensain lhyi nhaiqdoeus nhang.
Nyang gas nyoqnho lhyi yoeuh nghuot ya, xauhgyo zis yah dvyhangteh soe ma tuon.
4 Nyungs bang lyis lyi jus khyvlyis soetuon das.Ref 11.4: 2 Th 2.8
Shohjyen bang dah toeuh lyis gos dyei das.
Nyah vmingh yah dius jens lyis
yau dyei das las ma gis bang shei das.
5 Nyang nyah dius jens lyis lyi jus las dan khyvlyis guon das.Ref 11.5: Eph 6.14
6 Cauhpau jens yahge yvnglo jens dvgeh nyens nyens tap tap nyeis das.Ref 11.6-9: Esa 65.25
Lumuh gas beqlo jens yah whop joq das.
Noeupon jens yahge khangkhyi lo jens lyis dvgeh tsoh las loshang jens gas nyamoq lyis shwih gomh das.
7 Noeu jens yahge woms jens dvgeh zo das, nyamoq dah noeupon jens yahge khangkhyi lo jens dvgeh nyenstap zis yah whop joq das.
Khangkhyi jens gas noeu teh huhyau zo das.
8 Nauhnoeuh gas duk bos
lhangnyis nvm mas lhoeu lhyi eq jes ma bos das.
9 Mangso dah gyingshang jing,Ref 11.9: Hab 2.14
Zion boms lyis cha yah eq ma yoh nos nhang, ma gis zis cha ma bos.
Thomh jens gas jeis yah dyingh joq teh
hauh mau gas Yhensain dah seq cho yah dyingh das.
Jons Loh bang Tauh los das
10 Dawi dah zau guon vkoq mas hwankti saiq thuq los las dius nyau jens xiklyis vlho duot dah buisnyeis jweh los das. Nyamoq hau zau guon wus mas huom lha nyang lyis nyoqnho ngelang dyei das.Ref 11.10: Rom 15.12
11 Hauh buisnyeis jweh lyis Yhensain ka nyah yomsoq dvlhain doms yhung lha, Asiria, Egutu, Pathro, Sudan, Elam, Babilon yahge Hamat mau, thomh yvm chank nyeis bang, goeujo mas nyeis bang nyah dius jens nyet shih bang lyis yhen pheh shwih tauh los das.
12 Yhensain ka nyang dyos loh dah Israel jens yahge Yuda dius jens lyis nyeisjvng nyei thunk masyah doms shwih tauh los cho dius nyau jens lyis chixoeuq das xiklyis vlho khyiq lhangh das.
13 Israel munghdan gas Yuda lyis noh cho ma bos lo das. Yuda eq Israel dah jeswus ma nghuot lo das.
14 Nyamoq gas buiswvng pheh nyeis Philisti jens lyis dvgeh zan das. Buisthuq pheh nyeis bang lyis dvgeh thyoq das. Nyamoq gas Edom bang yahge Moab bang lyis ung das. Amon dius jens gas nyamoq domsyos gyo das.
15 Yhensain ka Suez thomh guih lyis kanh nhang das. Uphrat lvng kanh nhang das xiklyis gywes dah lyeis muot los nhang das. Jeislo nyhet lvng kyingh dvnyet joq nhang lo das. Housoeh las hank eq yoh suh lai das.Ref 11.15: Nyoq 16.12
16 Nyamoq dah phauh thyeih Israel jens Egutu masyah thuq los uhlyis teh, Asia mau mas doeng nyeis shih dah nyah Israel dius jens xiklyis talhoeu nghuot das.