2
Habakuk lyis Yhensain Phuk
1 Ngos ngah tyoeuqzvm mas doq das las Yhensain ngos lyis cha taiq nhang das zis yahge ngos lop cho lhyinote 2.1 Ngos yobos huon lhyi ngos lyis cha phuk das zis cha phuk taiq das zis langh gyo nyeis das.
2 Yhensain ngos lyis haih zis phuk taiq. Ngos nvng lyis chixoeuq zis tsoh lhywaq mas bvng bvng tsain lhaih toh aq, housoeh houka nyvng yah dvyih yoh nghap das.
3 Hauh zis bweh das shishenh ma jweh los shih yvmvyah lhaih toh aq. Nghuot laus eq hauh shishenh gas lvnyap jweh los das, ngos nvng lyis chixoeuq zis bweh los das. Hauh zis lvnyap ma los teh nghuot laus eq langh nyeis aq. Hauh zis jyoengh bweh los das, houka ma sheq nyeis lo das.Ref 2.3: Heb 10.37
4 Heika hau loeus nghuot. Ma gis bang gas ma doeng das, nghuot laus eq dan bang gas nyamoq Mangso lhyi lomluk yvmvyah kang dwis das.note 2.4 Hebre mas ma bvng. Ref 2.4: Rom 1.17; Gal 3.11; Heb 10.38
Ma Dan bang Jom das
5 Yoh khuiq zis gas mhuih cho nghuot. Nyoqnoq bang gas khwank zis yah ma nyens ma tap mus. Shei cho teh nyamoq khanhamp eq nhaiq ma tap. Housoeh las nyamoq xiklyis dius nyau dvnyau thang lhyi dvnyau tsain zan yoeus.
6 Jes somh bang gas nyamoq lyis zan ung bang lyis jwangh yis las nyamoq lyis hoeng cho chixoeuq. Nyamoq taiq das zis gas, Namoq gas namoq zis ma nghuot zis yoeus las mvtanhzoe nghuot, namoq gas namoq lyis jyen shauh bang lyis jyen tsoengh doq las khanyhank jweh shoq yoh dis nyeis shih das lah?
7 Nghuot laus eq nvng ma soh shih lyis, nvng zan ung ku bang nvng lyis jyen lhyi tsoengh doq los das. Jeswus jens los las nvng lyis gyuk nvn nhang das. Nyamoq nvng lyis thyoq das.
8 Nvng gas dius nyau nyoshoq lyis lhyoqzo ku goeus. Gvshih doeng nyeis bang gas, nvng dius sat gvng mas eq, mungkvn mas dah dius jens yahge nyamoq dah wus jens lyis lhuotzo gvng mas eq nvng lyis thyoq das.
9 Namoq mvtanhzoe nghuot! Namoq gas lhuot yoeus zis yah namoq yhenbang lyis dis nhang goeus, yhen lhyi jes shoh masyah luiq shoq tungh kuot.
10 Nghuot laus eq namoq toeuq cho ka namoq dah yhenbang mas xoqphuh cho she los goeus. Dius nyau nyoshoq lyis thyoqpi zis yah nvnyang dah dyoq gyoh cho kyingh dvshe los.
11 Ciank mas dah luk yangh nvng lyis tyi lha kaiq das, yhen khyang eq lvngtang toeuh das.
12 Namoq mvtanhzoe nghuot! Namoq gas lyi ma chi cho mha wus pom xi lha dius sat zis yah hauh yvlyis tsuk toq kat.
13 Namoq zan ung dah dius nyau jens gas yhung pvjus muh nyung daus shoq kuot goeus. Yhensain ka dius jens tsuk toh zis ngheq tyamp. Haih zis Maukhung Jesphung Yhensain kuot goeus.
14 Thomh jens gas jeis yah dyingh teh, nyeisjvng gas Yhensain dah phunk lyis seq cho yah dyingh das.Ref 2.14: Esa 11.9
15 Namoq mvtanhzoe nghuot! Namoq nhaiqlom tsoeu zis yah namoq yhenkyoh lyis nyoqnho ngelang khyoq las xoqphuh nhang; nyamoq lyis yhei yet bang teh vtyi vkamh mus nhang.
16 Nvng gas nyoqnho ngelang yoh das gungsthaiq, xoqphuh cho yah nvng lyis doms nghop toh das: nvng nvnyang shuk las vtyi vkamh mus das. Yhensain nvng lyis joeng cho ge dah nvnyang kom lhyi shuk nhang das. Nah nyoqnho ngelang gas xoqphuh cho pheh thaiq loh das.
17 Nvng Lebanon saiqkhyam thoeuq goeus; gvshih gas nvng lyis thoeuq das. Nvng houmha dah yewus lyis sat. Gvshih hauh yewus nvng lyis kyuk das. Nvng yewus lyis sat goeus yvmvyah eq, mungkvn mas dius jens yahge nyamoq wus jens lyis lhuotzo yvmvyah eq haih zis bweh los das.
18 Phvra gas chah vkyuh bos? Houka dius kuot toh dah vyhang dvja nghuot. Houka nvng lyis cha ma taiq, dvhwah nyeis. Vsainnyang kuot toh dah vyhang lhyi loms las chah vkyuh xauh kham das lah? Hauh mangso ka dang yangh ma yoh taiq.
19 Nvng gas mvtanhzoe nghuot! Nvng gas saiqtomp lyis, Yhet soh aq, lukzains lyis, Toq aq, ge. Hau phvra nvng lyis dvja ja yoh chixoeuq lhyeh? Houka ngwis xing yah kyop toh mvbeh, nghuot laus eq houmha kang ma bos.
20 Yhensain ka nyah gyingshang Yhenmuh mas nyeis; nyeisjvng thoq mas dius yuk khanghmuh gas nyah xikkhonh mas samlo nyeis bas jungh.