3
Dius Domsyos ma gyo
1 Lhangnyis gas Yhensain Mangso kuot toh dah yewus dvnganh thoq lyis zes yik, zes lhaiq. Lhangnyis hauh vmesbih lyis nyei zis gas, Nah zomh hauh khyam mha dah vzains khanghmuh mas zis ma gis zo ge, Mangso jyoengh taiq lhyeh, ge.Ref 3:1: Nyoq 12:9, 20:2
2 Hauh vmesbih lhangnyis lyis phuk taiq zis gas, Hauh khyam mha dah shih zains mas shih ngah zomh yoh zo.
3 Nghuot laus eq Mangso ka, Nah zomh ma shei bas jungh, hauh khyam gungs mas dah shihzains mas shih lyis vzo goh, vzangh tanh goh, ge toh.
4 Lhangnyis hauh vmesbih lyis taiq zis gas, Nah zomh jyoengh ma shei das.
5 Khasoeh ge lyis hauh shih zo dah nyeih lyis nah zomh nyoq bangh los las, Mangsonote 3:5 Mangso; nghuot ya mangso jens.* yah dvyhangteh bweh los, gis zis yahge ma gis zis lyis seqnote 3:5 G is zis yahge ma gis zis lyis seq; nghuot ya dvnganh lyis seq.* los das yvlyis Mangso seq, ge.
6 Hauh shihzains gas zo gis phoh zis eq, nyoqjeih xiklyis yoeuh omes phoh zis eq, joeui yoh dyei phoh zis eq nghuot yvlyis hauh vmesbih nyvng las, nyang hauh shih thyoq zo. Nyang yah dvgeh dah nyah yhensain phoq lyis eq dyei las, nyang eq zo goeus.
7 Hauh uhlyis nyah zomh aiq yuk yah nyoq bangh los las nyah zomh gas shohchen nghuot yvlyis tsain seq. Housoeh las nyah zomh gas maiphang huq lyis zap tsomp las gungs lyis tsain gos zo.
8 Hauh nyenhthang zoh lyis hauh khyam mha Yhensain Mangso lyih suh yenh nyhink dah thwe lhyi hau dius yahge nyah yhensain nyhiq xauhgyo lyis, nyah zomh gas khyam mha dah saiq gyomh mas Yhensain Mangso lhyi tamh.
9 Hauh uhlyis Yhensain Mangso ka hauh dius lyis, Nvng khalhye nyeis, ge lui.
10 Nyang gas, Haih khyam mha ngos nah thwe lhyi xauhgyo las, ngos shohchen nghuot yvmvyah, gyuk las tamh joq, ge.
11 Yhensain Mangso ka, Nvng shohchen nghuot yvlyis hank taiq kyoh, Ngos nvng lyis vzo oen tung toh dah vzains mas dah shih nvng zo goeus lhyeh, ge.
12 Dius gas, Ngos yah dvgeh nyeis bas jungh ge nvng ngos lyis dyei toh dah vmesbih yah hauh vzains mas dah shih ngos lyis dyei las zo goeus, ge.
13 Yhensain Mangso hauh vmesbih lyis taiq zis gas, Hai nvng kuot zis cha nghuotRef 3:13: 2Kr 11:3; 1Tm 2:14, ge. Vmesbih gas, Ngos lyis lhangnyis yah chuq thyoq las zo goeus, ge.
Mangso Soetuon das
14 Housoeh las Yhensain Mangso hauh lhangnyis lyis taiq zis gas, Nvng haih zis kuot goeus yvmvyah, gaunyhauq yahge mhanhdyvp yewus dvnganh thoq lyis nvng nhoengh zis xauh. Nvng dwis nyeis dvchank nah womdau yah shweh las tsoh zo chah.
15 Nvng yahge hauh vmesbih jo mas eq, nah vnyau vshih yahge nyah vnyau vshih jo mas eq, ngos jes duot nhang das. Nyang gas nah uhloms lyis bat chap das, nvng eq nyahnote 3:15 nyah; nghuot ya nyamoq dah* khyeichuk lyis chweh das, ge.”Ref 3:15: Nyoq 12:17
16 Nyang vmesbih lyis eq, Ngos nah lowons nos lyis nyoshoq nyo nhang das. Nvng nos changh zis yah loshang khoeu das. Nvng nah yhensain phoq lyis nhaiq twih toh las, nyang eq nah thoq mas guon das, ge.
17 Nyang hauh dius lyis taiq zis gas, Nvng nah yhensain nyhiq dang gyo las, ngos vzo oen tung toh vzains mas dah shih zo goeus yvmvyah, nyeisjvng gas nah gvng mas nhoengh zis xauh. Nvng dwis nyeis dvchank nyeisjvng mas zis nyungdaus zis yah zwi khank las zo chah.Ref 3.17-18: Heb 6.8
18 Nyeisjvng gas nah xiklyis zoeu vja ja yuk los dyei das. Nyeisjvng mas dah anghphoq nyausywi nvng zo chah.
19 Nvng lyis yoeus thuq toh dah nyeisjvng mas ma doms tauh loh dvchank nah nyoqnho mhayah gywesjeis thuq lyis wom dvxauh zo das. Khasoeh ge lyis, nvng gas tsohmons nghuot las tsohmons mas tauh e chah.
20 Adam gas nyah yhensain nyhiq lyis Ewa ge nyhink. Khasoeh ge lyis nyang gas dwis nyeis bang dvnganh dah ungwes nghuot.
21 Yhensain Mangso ka Adam yahge nyah yhensain nyhiq xiklyis shohyeis yah dyimis kuot las gvmhuot.
Adam Ewa Khat thuq Xauh
22 Hauh thang lhyi Yhensain Mangso taiq zis gas, Dius gas yang teh gis zis yahge ma gis zis lyis seq. Gvshih nyang vcaiq vto kang dwis nyeis das xiklyis nyah loq chent las kang dwis nhang dah vzains mas vshih ma gis yoeus zo nhang, ge las,Ref 3.22: Nyoq 22.14
23 Yhensain Mangso ka dius lyis nyang lyis gvnkhanh thuq kat dah tsoh mas zwi zo das xiklyis Eden khyam masyah khat thuq.
24 Housoeh nyang gas, dius lyis khat thuq thang lhyi Eden khyam dah buisthuq shot pheh kang saiqzains pheh loh dah cho zungh das xiklyis, Kherubim moq lyis nyhei toh. Bvng dah nyilhyam sham lhyi eq hwe nhang toh.