35
Mangso Edom lyis Joeng
Yhensain ngos lyis jis.Ref 35.1-15: Esa 34.5-17, 63.1-6; Yer 49.7-22; Ezk 25.12-14; Amo 1.11-12; Oba 1-14; Mal 1.2-5 Nyang taiq, Lvcang eh, Edom mau lyis taiq hoeuh aq. Ngos, Yomzains Yhensain taiq nyeis zis dius jens lyis taiq kyoh aq. Edom boms jens eh,
ngos nah jeswus nghuot.
Ngos nvng lyis jyamhjyuklhyuk nyeisgyih yos kuot das.
Ngos nah wus jens lyis thyoqpi toh das.
Nah mau lyis jyamhjyuklhyuk kuot das.
Housoeh lyis ngos Yhensain nghuot yvlyis nvng seq das.
Nvng gas Israel dah ma thank lo jeswus nghuot. Nyah dyoqbis zainsmuh shishenh lyis nyah dius jens lyis sat. Nyah yaunos gvng mas nyang lyis thang thank joeng shishenh lyis eq sat. Housoeh las jyoengh ngos, Yomzains Yhensain ka dwis nyeis Mangso nghuot zis yah dvyhangteh, shei cho ka nah uhpui loqkyoq nghuot. Nvng ma yoh phang luiq. Nvng mas dius sat yobos bos.note 35.6 Yobos bos, ge zis Hebre mas Hoeng, ge. Sat cho ka nvng lyis chank khat das. Ngos Edom boms mau lyis tyeihgesles kuot las houcho suh lai soeu khanghmuh lyis sat das. Ngos hauh boms jens lyis mvng yah nghop das, jes mas sat zis xauh bang dah mvng gas jing jens, langhkhau jens mas tsain gyoh loh das. Ngos nvng lyis vcaiq vto jyamhjyuklhyuk kuot das, nah wus jens mas hank eq ma doms nyeis lo das. Housoeh ngos Yhensain nghuot yvlyis nvng seq das.
10 Ngos Yhensain ka nyamoq dah Mangso nghuot khoq laus eq, Yuda yahge Israel aiq nyau yah dvgeh nyamoq dah mau gas nvng yah sen lha, nyamoq lyis nvng sain ge taiq. 11 Housoeh las jyoengh, ngos Yomzains Yhensain ka dwis nyeis Mangso nghuot zis yah dvyhangteh, nvng ngah dius jens lyis nhaiqyo, noh, hoeng cho xiklyis ngos nvng lyis lvto tauh phuk das. Nvng nyamoq lyis kuot goeus cho, ngos nvng lyis joeng nyeis yvlyis nyamoq seq das. 12 Housoeh lyis nvng ma phauhgis taiq zis, ngos Yhensain xauhgyo cho nvng seq das. Hau ma phauh gis cho ka Israel boms jyamhjyuklhyuk bweh las namoq thonh das xiklyis nghuot goeus ge cho nghuot. 13 Nvng ngos lyis tyi lha malyen lo moengs dang taiq zis ngos xauhgyo goeus.
14 Yomzains Yhensain taiq, mungkvn gonh gas nvng dyoq gyoh cho lhyi gauslaus shoq ngos nvng lyis jyamhjyuklhyuk kuot das. 15 Ngos sain dah Israel mau jyamhjyuklhyuk mus yvlyis nvng gauslaus vgus ngos nvng lyis kuot das. Seir boms jens, Edom mau gonh jyamhjyuklhyuk mus das. Housoeh lyis ngos Yhensain nghuot yvlyis yuk khanghmuh seq das, ge.