2
Ngos hauh zis nyvng lyis, nyeisjvng mas lains gop loh. Hauh thwe taiq zis gas, Lvcang eh, toq yap aq, ngos nvng lyis jis mes, ge. Hauh thwe taiq nyeis uhlyis Mangso dah dyos ngah jyank mas wvng las ngos lyis she toq las yap nhang lha ngos hauh thwe tsoq xauhgyo. Lvcang eh, ngos nvng lyis Israel dius jens jyank mas nhang. Nyamoq dah phauh thyeih moq kuot zis yah dvyhangteh nyamoq ngos lyis tyi lha gomloeus toq las ngah jyank masyah phanh loh, gvshih eq gomloeus toq nyeis shih. Nyamoq gas nhaiqlom than lha ngos lyis ma phauh. Housoeh las ngos nvng lyis nyamoq jyank mas ngos Yomzains Yhensain nyamoq lyis cha taiq zis loh taiq kyoh nhang. Hau gomloeus toq bang nah dang gyo laus ma gyo laus, nyamoq mas lvpe nyeis zis seq das.
Nghuot laus eq lvcang eh, nvng nyamoq lyis ma gyuk noh, nyamoq taiq yvlyis vgyuk. Nah vyvm vwi mas zoeu gyomh yahge nvng lyis nos nhang bang lhaink toh laus eq, nvng gas gungsgauh jens mas nyeis laus eq, nyamoq gomloeus toq bang nghuot laus eq, nyamoq taiq zis lyis, nyamoq kyuk yvlyis vgyuk. Nyamoq gyo laus ma gyo laus, ngos nvng lyis taiq nhang zis nyamoq lyis taiq kyoh das. Nyamoq gas gomloeus toq bang nghuot yvlyis soh aq.
Lvcang eh, nvng ngos taiq zis gyo aq. Nyamoq teh gomloeus vtoq. Nah nhuot haq las ngos nvng lyis dyei bah oen yvlyis zo aq, ge. Sauhdain chi toh dah loq dvkoeuq ngah jyank mas yhonh los yvlyis nyvng.Ref 2.9-10: Nyoq 5.1 10 Hau loq gas hau sauhdain lyis pi lhyi, sauhkhyvp aiq shot yah lhaih toh yvlyis ngos nyvng. Houmha kukxi lha ngaus cho, yahge ngaus las noskyingh cho lhaih toh.