11
Joeui bos soeu kuot zis
1 Nah ngwis lyis lvbaus yah soenghi kuot yvmas bonzoe kat aq.note 11.1 Bonzoe ge zis Hebre mas, Nah wom jeis mas doeuh khyoq aq, ge. Dvnyeih nyeih gas nvng vmyat bos das.
2 Nvng nah bonzoe lyis joqyos nyoshoq mas kat toh aq. Khasoeh ge lyis nvng haih mungkvn mas khateh ma gis dah kamh jweh los das zis nvng khanhamp eq ma seq.
3 Saiqzains gas khah shot pheh lains lains, lains yvmas joq das. Jyommauh gas mau jeis dyingh goeus ya wus khyoq.
4 Lyeis yahge mauwus mauphangh gis dah shishenh jweh shoq langh nyeis lyis gas khanhamp eq jyo khyoq jyo yhomh cha ma yoh kuot.
5 Mangso ka vyhang dvnganh lyis gvnkhanh toh. Nvng gas loshang gungs lyis chi dah vmesbih ung mha kang saiq khasoeh xi zis ma seqgyo teh, Mangso kuot toh dah muh lyis ma seqgyo.
6 Nvpsangh lyis nah jyo khyoq aq, nyenhthang lhyi eq khyoq aq. Hau dvnganh gis gis yuk das lah, khanhamp khyoq zis zes gis das lah zis nvng khanhamp eq ma seq.
7 Nyeih lyis pyo dah bvng yvlyis xauh kham yoeus das zis gas gis.
8 Nvng kang dwis dah zvn khanghmuh nyhenshang nhaiqshoqlang oen aq. Nvng khanyhank nyangh shoq kang dwis laus eq shei joq zis gas kang dwis thoq lyis zes nyangh das zis soh aq. Jweh los das zis dvnganh gas vjyuk ma bos.
Ngis bang lyis Joeui Dyei
9 Wotyamh jens eh, wotyamh bon lyis gausyis nyeis geh. Ngis nyeis shih lyis pyo nyeis geh. Kuot mes zis kuot las vsainnyang ehnyet o mes zis chank geh. Nghuot laus eq nvng kuot yvlyis Mangso soetuon das zis soh aq.
10 Nvng lyis cha yah eq vchiq nhang, nghuot ya vnos nhang. Nvng gas nyangh shoq ma ngis joq das.