25
Israel aiq yuk jo mas taiq phyen-goh zis bos oen goh. Nyamoq soetuon jang mas loh chah. Houmha soetuon bang hauh soe thyet dyei das. Nyamoq gas dvyuk gas yobos ma bos gohtoeu dvyuk yobos bos cho taiq hoeuh das. Yobos bos soeu lhyi lyuk chah ge dang khyoq lyis, soetuon soeu ka hauh soeu lhyi nyah xikkhonh mas gop nhang lha, nyang yobos kuot nyhoq lyuk nhang chah. Nyang nyeici dvm jweh shoq gis lyuk nhang. Nghuot laus eq hauh thoq lyis ma gis lai. Hauh thoq lyis lai lyis gas gohyuk xikkhonh mas nyang lyis xoqphuh nhang.Ref 25.3: 2Kr 11.24
Guk nang nyeis noeulu lyis nhuottsungh vtsungh toh dyei.Ref 25.4: 1Kr 9.9; 1Tm 5.18
Vmang Dius uh Tsoq aq
Zisyos xonh dah vmang vnoeuh aiq yuk dvgeh nyeis yvmas dvyuk gas yukgis lo ma bos shei loh lyis, hauh soeu dah yhensain nyhiq gas gohyhenbang yah phoengh ma gis wvng. Nyah yhensain phoq dah vnoeuh gas nyang lyis shoeuh das yvwons bos.Ref 25.5-6: Mat 22.24; Mak 12.19; Luk 20.28 Nyamoq cangxeih yoh dah yukgis loxeih gas hau shei loh goeus soeu dah lo oen nghamh das. Housoeh Israel mas nyah yhenbang diusjangh caiq tsoq loh das. Nghuot laus eq hau shei soeu dah vnoeuh nyang lyis ma mes shoeuh lyis gas, hauh vmesbih gas wus uhshe bang dah xikkhonh mas loh las, Hai ngah yhensain phoq dah vnoeuh gas nyah yvwons ma yoeus, Israel dius jens mas nyah vmang dah vnyau vshih dyei das zis ngoek, ge taiq das.Ref 25.7-10: Rut 4.7-8 Hauh thang lhyi wus uhshe bang gas nyang lyis khi lha taiq das. Nyang hauh vmesbih lyis shoeuh das zis ngoek shih lyis gas, nyah vmang dah chauhmuh gas wus uhshe bang xikkhonh mas los las, hau yukgis dah thyvkoq dvsan loh khyuot tyamp dyei chah, nyah nyoqnho mha svkanh dyeh gyon las, Heika nyah vmang lyis vnyau vshih dyei das zis ngoek soeu mha bweh zis nghuot, ge taiq chah. 10 Hau nyah yhenbang lyis thyvkoq lang khyuot chah soeu dah yhenbang ge Israel mas seq das.
Gohtoeu Lyi
11 Yukgis aiq yuk zan-goh uhlyis, dvyuk dah yhensain nyhiq gas nyah yhensain phoq lyis pangh mes zis yah gohtoeu dvyuk dah vyhang mha lang dyei lyis, 12 nyang lyis nhaiq ma nyen lo nyah loq thyet tyamp dyei chah.
13-14 Nvng jvng yahge pan laiq lyis vmhuih jyomh.Ref 25.13-16: Lew 19.35-36 15 Nvng Yhensain, nah Mangso dyei dah mau mas kang xing bas jungh, jus dah jvng, jus dah pan yhung aq. 16  Yhensain ka mhuih bang lyis hoeng.
Amalek lyis Sat das zis tying
17 Namoq Egutu masyah los cho mha Amalek jens nvng lyis khasoeh kuot zis soh aq.Ref 25.17-19: Dyu 17.8-14; 1Sa 15.2-9 18 Nyamoq Mangso lhyi ma gyuk. Namoq nyungdaus las thang gyoh nyeis bang lyis thang mhayah chank thyoq las dvnganh lyis sat. 19 Housoeh yvmvyah Yhensain namoq Mangso namoq lyis mau dyei las namoq yvmlhaink mas nyeis jeswus dvnganh masyah luiq nhang uhlyis Amalek jens dvnganh lyis sat das zis soh soh mus aq. Housoeh hank eq nyamoq lyis ma soh lo das. Hauh cho lhyi vtohnyhik.