9
Dius jens Xiklyis Daniel Dung
1 Mede dius Ahasuru (Xerxes) dah lo Dari gas Babilon munghdan lyis guon nyeis.
2 Nyang guon dah cangxeih vzvn lyis ngos gas gyingshang buk jens lyis xuq las Yhensain lvpe Yeremia lyis yah Yerusalem wus dyoqbis las zvnlom nyhetci lai loh bas jungh ge, zis yah dvyhangteh hauh yvlyis suon yoeuh nyeis.Ref 9.2: Yer 25.11, 29.10
3 Ngos gas womkyi, yanghthung dyi wuot, nyiyvp boms mas tsung zis yah Yhensain Mangso lhyi shvmanh khyoeuq dung taiq kyoh.
4 Ngos gas Yhensain, ngah Mangso lhyi ngah dius jens dah yaunos lyis rhen lha shvmanh dung.
Ngos taiq, Yhensain Mangso eh, nvng gas kuhxing lha ngamoq nvng lyis chungh. Nvng gas nah thanghchvp mas wontang lha nvng lyis jyet las nah tying dang lyis chank bang lyis goeng dah jyet cho chixoeuq.
5 Ngamoq yaunos kuot goeus, ngamoq ma gis zis kuot goeus, ngamoq cu goeus. Nvng ngamoq lyis kuot nhang yvlyis ngamoq ngoek goeus. Nvng ngamoq lyis chixoeuq dah jus cho mhayah nungs phuk loh.
6 Ngamoq dah hwankti jens, guon bang, phauh thyeih moq yahge dvnyau gonh lyis nah nyings yoeus las taiq bang, nah jyeidwis lvpe jens dang ma gyo kuot goeus.
7 Yhensain eh, nvng gas vjangh jus zis kuot, nghuot laus eq ngamoq gas ngamoq nyang thoq mas vjangh ngelang gyoh cho she kat. Yuda mau mas bang, Yerusalem bang, yahge nyamoq nvng Yhensain lhyi lom ma luk gvng mas ni mau we mau mas sanh tyamp zis xauh dah Israel dius jens dvnganh, ngamoq dvnganhmoq housoeh ngelang gyoh cho she kat goeus.
8 Ngamoq dah hwankti jens, guon bang, phauh thyeih moq xoqphoh cho kuot las nvng Yhensain lhyi tyi lha yaunos kuot goeus.
9 Ngamoq gas nvng lyis gomloeus toq goeus laus eq, nvng gas nhaiqnyen las yobos khyuot dyei.
10 Yhensain, ngamoq dah Mangso eh, nah jyeidwis lvpe jens lyis yah ngamoq lyis dyei toh dah nah lyi yah dvyhangteh kang dwis das zis ngamoq lyis taiq uhlyis ngamoq nah dang ma gyo.
11 Israel dvnganh gas nah lyi thyoq las nvng taiq yvlyis gyo das zis ngoek. Ngamoq nvng lyis tyi dah yaunos kuot goeus. Housoeh las nvng ngamoq thoq mas nah jyeidwis Moshe dah lyi mas lhaih toh dah nhoengh cho she kat dyei.
12 Nvng ngamoq yahge ngamoq dah guon bang lyis kuot das ge taiq toh zis kuot. Nvng Yerusalem wus lyis joeng zis gas nyeisjvng thoq mas gohtoeu wus lyis kuot thoq lyis zes xungh.
13 Moshe lyi mas taiq toh dah joeng cho dvnganh ngamoq lyis dyei. Nghuot laus eq Yhensain, ngamoq dah Mangso eh, gvshih yangh ngamoq dah yaunos masyah tauh los, nghuot ya nah jyoeng cho lhyi chank zis yah nvng lyis nhaiqdoeus nhang das zis ngamoq ma yomkat.
14 Yhensain, ngamoq dah Mangso eh, nvng gas ngamoq lyis joeng das zis sont las joeng, khasoeh ge lyis nvng gas vjangh jus zis kuot, ngamoq gas nah dang ma gyo kuot.
15 Yhensain, ngamoq dah Mangso eh, nvng nah dius jens lyis Egutu masyah shwih thuq los zis yah nah yomsoq lyis chixoeuq las nah yomsoq lyis soh nyeis shih. Ngamoq yaunos kuot goeus, ngamoq shuot zis kuot goeus.
16 Gohlhain nvng ngamoq lyis khomp kat, housoeh las Yerusalem lyis nhaiq vyo lo. Houka nah wugungs, nah gyingshang jingnote 9.16 Gyingshang jing ge zis Zion Boms lyis taiq. nghuot. Ngamoq dah yaunos yahge ngamoq dah phauh thyeih moq kuot dah ma gis cho gvng mas, yhenkyoh mau dius jens dvnganh gas Yerusalem wus yahge nah dius jens lyis dius ngis khyoq.
17 Ngamoq dah Mangso eh, ngos shvmanh dung dang yahge khyoeuq sang zis gyo dyei aq. Dyoq gyoh joq dah nah Yhenmuh lyis toeu dyei aq. Housoeh lyis nvng Mangso nghuot yvlyis yuk khanghmuh seq das.
18 Mangso eh, ngamoq lyis jenh kamp gyo dyei aq, ngamoq lyis yoeuh las ngamoq xauh dah yau cho yahge nah nyings wons dah wus xauh dah shanghsenh lyis nyvng dyei aq. Ngamoq haih zis dung zis gas ngamoq dan gvng mas ma nghuot, nah nhaiqnyen cho gvng mas dvdung.
19 Yhensain eh, ngamoq lyis xauhgyo dyei aq. Yhensaineh, yobos khyuot dyei aq; Yhensaineh, gyo yoeus las kuot dyei aq; Nvng Mangso nghuot yvlyis yuk khanghmuh seq bas jungh, vsheq toh lo; haih wus yahge haih dius jens gas nah zis nghuot.
Pe Cho Gabriel Vjyuk Phui
20 Ngos shvmanh tsoq dung loh las ngah yaunos yahge ngah dius Israel jens dah yaunos rhen zis yah Yhensain, ngah Mangso lhyi nyah gyingshang Yhenmuh toeu dyei das xiklyis khyoeuq dung.
21 Ngos shvmanh dung nyeis shih lyis xik lyis dah nyoqnyvng mas nyvng ku dah Gabriel ngos nyeis yvmas dang jweh los. Houka nyenhthang phudyei shishenh nghuot.Ref 9.21: Luk 1.19, 26
22 Nyang ngos lyis phui kyoh, Daniel eh, nvng lyis hau pe cho seqgyo nhang das xiklyis ngos heimha los.
23 Nvng Mangso lhyi khyoeuq xi lhyi, nyang nvng lyis phuk taiq. Nyang nvng lyis jyet, housoeh las ngos nvng lyis phuk dang taiq kyoh das zis los. Gvshih ngos hau nyoqnyvng vjyuk phui kyoh uhlyis nvng kamp gyo aq.
24 Nyhetci dah nyhet huon zvn shishenh gas nah dius jens yahge nah gyingshang wus yaunos yahge ma gis cho mhayah luiq das shishenh lyis Mangso toeuq toh. Yaunos khyuot dyei las vcaiq vto lyi jus cho goeng joq nhang. Housoeh nyoqnyvng yahge pe cho nyuk los das, gyingshang Yhenmuhnote 9.24 Yhenmuh nghuot ya phon eq yoh doms kyauh das.
25 Haih zis comh las seqgyo aq. Yerusalem lyis doms tsuk das zaudang gyoh masyah Mangso khyen dah uhshe soeu jweh shoq, nyhet zvn nyhet huon lai loh das. Yerusalem gas talhoeu jens, khyohlang yah doms tsuk zis xauh das. Houka khyukci aiq nyhet huon zvn nyangh das, nghuot laus eq houka yau shishenh nghuot das.
26 Haih shishenh dah vthang mha Mangso khyen dah uhshe soeu ka lyi ma jus khyvlyisnote 9.26 Hebre mas ma bvng sat zis xauh das. Hau wus yahge Yhenmuh lyis yomsoq bos, guon soeu dah jesphung nyhenh wvng las mhont das. Hauh vthang ka jeis nhauq teh, Mangso sont toh dah moeng zan cho yahge dyoqbis cho she los das.
27 Hau guon soeu ka dius jens nyoshoq yah goeng dah thanghchvp nyhet zvn toh das. Hauh shishenh dvgohyih lai loh lyis phudyei cho yahge jyungshuk lyis tung tyamp das. Yhenmuh thyoh mas gyukphoh vchoqh vjyotnote 9.27 Gohnyau bang dah phvra lho los toh das. Houka Mangso hau toh soeu lhyi sont toh dyei dah dyoqbis cho jweh los shoq houmha joq das, ge.Ref 9.27: Dan 11.31, 12.11; Mat 24.15; Mak 13.14