19
Cakhutaata cawsaa hluvpuv ueryi haapa kha vuoruo taata thyi ang te,
"Hallelujah!
Khuona hne rungnaana hne
cahrana ca Khazing huotana a cuo,
tahematapakieca a biechina ca
a hmuo te aa dang
Aparuvsuena ta alyi a para nung,
a lesyinung siyhrawnung kha bie a ripa tli.
A sii zaw thiyse kawlie ama kha
phuv a la hriy mangtli," ama ta.
Luokha khi pakhaa yite,
"Hallelujah!
Ama a kuonapa myikhuv ca chuozaa ta
chuozaa te a khuvthaw pari," ama ta.
Cakhutaata uvthyi pakiypapaliy hne a hringpa saruopa papaliy ca byithude lieta a tupa Khazing kha abie yite,
"Amen. Hallelujah!" ama ta.
Byithude taata ueryi suokha ta,
"Niema a sii zaw bangkhuo hne,
ama a ciypa a le a caw ta,
Khazing ca pathuo sa tie ung," ama ta.
Cakhutaacata cawsaa hluvpuv ueryi hneta aa lupa ueryi, tiysue lesapa ryi hne khalung pu haapa ueryi suokha kha i thyi.
"Hallelujah!
Abyipa ma Khazing A Lesyicepa ca
siepahruo a cuo nakawta,
a nuo ung sala a law ungsiy,
a rungnaana kha pathuosa ungsiy,
tahematapakieca
Tuvtaata nungchiyna cuo a vya tlung tli.
Navaa a hnyi riypa lesaanung ca a ting pacie pata aw te,
Cawphapa, a khepa hne a pathesapa kha,
a tue riypata ama pi," a ta.
Tahematapakieca caw pathesapa ca mingpathepa tie hmangpha tuenapa tana a cuo, a ta.
Cakhutaata avuoming pakha ta, "Hingpa hing cape tie: Tuvtaata nungchiyna pyi saduona luo kupa ca thluechiypa tana a cuo," ina ta. Cakhutaacata, "Hing bie hing Khazing biehmisipa tana a cuo," ina ta. 10 Catiyta ama kha abie riypata a phyi thabaw lie i bu, cuorasala ama ta, "Haa khata tue khah! Kama zaw nama hne na viesaa zawnote 19:10 Gk Uvnu zaw haakhata Zingsuv kaw tehte a khuotuv changtaapanote 19:10 Gk Sii pakha tana i cuo. Khazing kha abie hriy tie! Tahematapakieca Zingsuv ta a phupa biehmisipa hingna profet tie kha profet-biephu a pari sapa cahrana ta a cuo.
11 Cakhutaata vuoruo aa pahawpa kha hmung ang te aruo ruopa sakha aa luo. A khangtuvpa ca Zangtluo aa tlapa hne Biehmisipa ama ta. Adangna hneta bierina tue te rie aa du. 12 A ming ca myihlaa haata cuote a luv cunglie ta byilakhuv a hluvsa aa khuv. Cape ciepa ming suokha hnyi te ama ri li pata ahungtahmuo pachang vayi. 13 Ama ca thiy lie nawpa caw kha a tue te, a ming ca Khazing Bie ama ta. 14 A khesapa hne a pathepa cawphasapa aa tuepa vuoruo rieka tie ta aruo a khang yite ama ziyle. 15 A pakaa taata zueziy cahresapa kya pya te capa zueziy cata mingphang zaw kha a te yi. Iema kha thaakhuecahryi ta uv'anote 19:15 Or Khia'a yite yite, Alesyicepa Khazing hihaana mingsuv a ciynapa khue lie kha mingsuv aa ciy aa. 16 A pang cunglie hne a baw lie kha a ming cape yite, "siepahruo tie Siepahruo hne abyi tie Byipaapa," tapata a cuo.
17 Cakhutaata avuoming pakha ning cunglie aa daapa kha i hmung. Avuo khingkhuo lie a zulepa pavaa tie kha a ueryi lesapa ta ku yite, "A vaw ungla Khazing sa duona rungnaapa luo kha a vya hmya tie ung. 18 Siepahruo tie saa, riebyi tie saa, a lesyipa tie saa, aruo saa hne a khangtuv tie saa, hyazangpa tie hne sii tie saa, a cawpa hne a lepa tie saa ce riypa khata a vya hmya tie ung," a ta. 19 Cakhutaaca saahruo hne alyi siepahruo tie kha ama rieka hneta a hmya yite aruo a khangpa hne a rieka tie kha rie amaa du. 20 Saahruo ca a hmiekunglie kharuehaa hmang a tue tawpa profetpakhipa hne khata ama patuv. Capa kharuehaa hmang a tuepa cata saahruo a hnangnapa a hmungpa tie hne a kuvtuezuv abiepa tie kha a dung yi. Iema pahning tie ca ama hringpa ta kemyi chung luo kha ama thaw. 21 A tuopa tie ca aruo a khangpapaa pakaa taata a pyapa zueziy ta thie diy yite ama saa ca pavaa bangkhuo ta ama riy bikaluv nate ta ama ning.