JOHAN
Johan Caapaphya Suothungna
Johan Caapaphya Suothungna hing "Khrihsaa Uvthyi" ta Khrihsaabuv luochiytuv Gauis'a luo a paphyapa tana a cuo. Hing caapaphyatuv hingta Gaius ca Khrihsaa hrangpa tie a byana kawlieta pathuo sa te Diotrefes kha aa raaring riypata bie a taa.
1
1 Khrihsaa Uvthyi kama ta bie-hmisipa lieta i duepa Gaius'a luo caa ica paphya.
2 I duepa, thlaapa luota hnaatluo pata na aw pahaata hmangting bangkhuo hing na cuota aa rawsa pata aw sala, na hnaa a tluo riypata thlaa ica chuopa.
3 Viesaanote 1:3 Gk Uvnu zaw chekha vya chiy yite biehmisipa lie zangtluo naa tlana zya hne biehmisipa lie na hringna zya kha tehte ama khuo tiyta i palung a tluo hringhruo.
4 I saata zaw na biehmisipa lie a hring yi tapa i thyipa laa hingta i palung naa patluo viepa aw vyi.
5 I duepa, caa pachang buo lipa ama cuo zaw ta, viesaa cuota a cuo zaw, na hriepa bangkhuo lie zangtluo a tlasa pata na hrie.
6 Na duena kaw kha khrihsaabuv lie tehte ama khuo. Khazing hne aa tlapa palungphya hnyi pata ama si khu riypa kha a bya tie yi.
7 Tahematapakieca zanglituvnote 1:7 Gk Jentail ming tie'a taata abyana khaahmuo la li pata Khrih cuota khy a tlawpa ta ama cuo.
8 Cacuonakawta biehmisipa lie rehriehnetuv ma cuo riypata cahaapa cawsaa zaw kha maa bya riypa yita a cuo.
9 Khrihsaabuv'a luo kha caa pachangta i cape; cuorasala ama hne ama kha pakhana lie a chi khingpa Diotrefes ta kiema ri kha a ngie khing vyi.
10 Cacuonakawta i vaw kieca a cuo li pata kiema kaw a ripa bangkhuo kha i phu diy aa. Cadyi cata a palung tling li pata uvnu zaw kha ing a patlung sa khing li pata ing a patlung sa khingpa tie zaw kha thlu yite khrihsaabuv taata a papya yi.
11 I duepa zaw, a pha lipa kha a mangpuo kha ung, a phapa tuv kha a mangpuo tie ung. Hmangpha a tuepa ca Khazing'a taata cuote, hmangpha lipa a tuepa ca Khazing kha hmung vyi.
12 Cawsaa bangkhuo ta Demetrias ca pathuo sa yite biehmisipa zaw ta a pathuo sa. Kiema zaw ta a cuo ta tehtekhuo pate ma tehtekhuona aa hmuo pakha nama pachang.
13 Niema'a luo caa a hluvsa i vya cape khing, cuorasala caasung hne caatiy hmuo pata cape hriy li pata;
14 niema hne a ru hluo ta hmie a hmung pata bie maa rue aa tapata i nguopuo.
15 Na cunglie diena aw se. Viesaa zaw ta bie a caa chang yi. Ma viesaa zaw pakha cyicuo kha bie malie a changpa mya yi.