3
1 Uvnu hne sieta zaw,note 3:1 Gk Uvnu zaw a chuona ta ica taa khingpa yi ca, Abyipa bie niema'a lie aa zepa haakhata a catli pata a ze te, rungnaana a hmung riypata thlaa malie chuopa tie ung.
2 Cawsaa bangkhuo ta zangna ama hnyi li nakawta cawsaa pha lipa tie hne cawsaasuepa tie kuv taata khuopa ma cuo riypata thlaa malie chuopa tie ung.
3 Cuorasala Abyipa ca zangtluo aa tlapa a cuo nakawta a pha lipapaanote 3:3 Or Pha lina kuv chung taata aca khuo'a yi.
4 Kiema ta maca changpa yi kha tue nguoluo ung cate hmie luo zaw nama tue aa tapata Abyipa'a lie a ruechuona ma hnyi.
5 Khazing duena hne Khrih te-ang khuna kha nama hnyi riypata Abyipa ta luo caa chiy yi se.
6 Duepa zaw,note 3:6 Gk Uvnu zaw re a hrie khing lipa tie hne kiema maca changpa yi phungluo haata a aw khing lipa tie kha cahriy ung tapata ma Byipaapa Zingsuv Khrih ming ta naw maca pi yi.
7 Tahematapakieca niema hrahring ta kiema a mangpuo pata nama aw riypa kha nama pachang; niema'a lie ma aw ning kha ma thaa thuv vyi.
8 A muo pi li pata ahung sa hmuo ning va puv. Cuorasala ahung cuo tahmuo hmangriy ma cuo li riypata chungzuo ta re ma hrie.
9 Caca niema'a taata abyana pi riypata a hie khuna ma hnyi li nakaw cuo vyi, malie namaa mangpuo thena riypata ma tuepa tana a cuo.
10 Niema'a lie ma aw ning kha tahmuo, "re a hrie khing lipa ca sa ning kha se," tapata naw maca pi tli yi.
11 Tahematapakieca niema chekha ca nama thaathuv te re khaahmuo hrie li pata malie kawlie bie dyi a rangpa nama aw tapata ma thyi.
12 Cahaapaapa cawsaa tie kha, ama riy a cawna re kha a diesa pata hrie yi se, tapata naw pi yi pate ma pasu yi.
13 Uvnu hne sieta zaw, aa hmuopa hmang tue kha nama palung chuo kha se.
14 Hingpa caa lie ma ripa hing a ziy khing lipa ca a nang a zaa the riypata a viesaa kha ung.
15 Cariepa haata hmung li pata, zangtuvnote 3:15 Gk Uvnu haakhata a raaringna pi tie ung.
16 Diena Byi ama hrahring ta a luo bangkhuo taata cipari ta diena ca pi mangyisue. Niema bangkhuo'a lieta Abyipa aw mangsue.
17 Kama Paul ta hingpa bie-achangna caa hing i kuv ta i cape. I caa bang-khuo lieta ming i thuv; hinghing i caa cape zya ta a cuo.
18 Ima Byipaapa Zingsuv Khrih vihnyina ca niema bangkhuo'a lie aw mangsue.note 3:18 Hluo vie caa-uv lieca Amen* ama bechiypuo kalie