5
Cacuonakawta, Khazing ta a duepa saata zaw nama cuo pahaata, ama haata hring riypa kha a zue tie ung. Khrih ta malie a duenote 5:2 Hluo vie caa-uv lieca aca due* a ta. nakawta rangpa-uepa hriykhung a rina ta Khazing'a luo aa pipa haata duena chunglie hring tie ung.
Niema ca Khazing mingpathepa nama cuopa haata, nama hrawlie kha aparuvsuena kaw, a pathe lipa hmangting kaw, karuo-awna kaw tapa zaw ca a ri hmuo ri kha ung, Bie pyalyipa, biechiepa hne chiephu bie zaw ca nama ri riypa hehmuo cuo vyi; capa zaw ri cuopa cata Khazing kha pathuosa tie ung. Aparuvsuena a tuepa, mang a ngie li pata a hringpa hne a karuo-awpa tie (karuo-awna ca kuvtuezuv biepa hne tana aa lu) ca Khrih hne Khazing pena lie ru cu riypa khaahmuo hnyi'a vayi tapa kha nama pachang.
Ahungtahmuo siyluo a hnyi lipa bie ta ca dung kha yi se. Hingpa zaw kawlie hingtana Khazing hihaana ca ri a ngie lipa tie cunglie a tlung. Cacuonakawta iema kha a khe kha ung. Ahluo taca zingna za cuo ung cate, cuorasala ata hing ca Abyipa thueta khena tana nama cuo. Khena saa haakhata hring tie ung. Tahematapakieca, khena thyipaa ca phana, adangna hne a hmisipa lie tana hmung pata a cuo. 10 Abyipa palung a patluopa hmang kha tue a zue tie ung. 11 Hmangpha a chiykhyi lipa zingna hmang tuena lie kha aw ra kha ung, a phu tuv khata phu hriy tie ung. 12 Tahematapakieca cahaapaapa cawsaa zaw ta a paruvta ta ama tuepa hmang ca a ri ta ri riypa khiy tahmuo nangzaa na a chiy. 13 Cuorasala khena ta a paluosapa bangkhuo ca hmung khupa ta vya cuo yite, 14 hmung khupa ta a vya cuopa bangkhuo ca khena ta ama cuo. Cacuonakawta, Caapathepa ta,
"Aa hmung nguoluopa, kya thu tie!
Thiyna taata kya thu la,
Cakhutaata, Khrih ca
na cunglie a khe aa,"a ta.
15 A ngaapa haata cuo li pata a singpa haata tuokhaatama ma hring aa tapa kha a raaring pata aw tie ung. 16 Ma ningkhue hing cuochieningchiepa a cuo nakawta nama hnyipa cuo kha a phace pata hmuo a zue tie ung. 17 Cacuonakaw a ngaapa cuo kha ung, cuorasala Abyipa khingna hing khaapama a cuo tapa kha pachang a zue tie ung. 18 Sahmaa pariy kha ung, tahematapakieca anuopaluena tana a cuo. Cuorasala Thlaapa ta bi tie ung. 19 Saam hlaa, khrihsaa hlaa hne pathuosana hlaa kha niema hrawlie nama sapa haata, Abyipa kha hlaa ue puvthepa ta nama pathiypalung hmisi ta pathuosa tie ung. 20 Hmangting kawlieta Paa Khazing kha ma Byipaapa Zingsuv Khrih ming ta cipari pathuosa tie ung.
21 Khrih nama pa-uvsathyina ta pakha hne pakha kha nama ri a ngie tie ung.
22 Napuvnung zaw Abyipa ri namaa ngiepa haata nama navaapa ri kha a ngie tie ung. 23 Khrih ca khrihsaabuv luv a cuopa haata, navaapa ca napuvnung luv tana a cuo. Khrih ca khrihsaabuv khuotuv cuote khrihsaabuv ca a pangpa ta a cuo. 24 Khrihsaabuv ta Khrih ri kha a ngiepa haata napuvnung zaw ta hmangting kawlie kha navaapa ri a ngie riypatana a cuo.
25 Navaapa zaw, Khrih ta khrihsaa-buv kha due te a hringna a pipa haata nama napuvnung kha due tie ung. 26 Hinghaahingta a tuepa ca khrihsaabuv hing Abyipa bie ta tiy chunglie pasiy pata a pathe sapa tana a cuo. 27 Cahaa cata khrihsaabuv ca apya-alyipa aw li, ahlaw-akaapa aw li, athli-abiyna aw li, a pathepa hne risie riy aw li pata rungnaana chunglie a kuv luo pi riypa a khing nakawta a cuo. 28 Cahaa cata navaapa ta ama pangpa aa duepa haata napuvnung kha a due riypatana a cuo. 29 Ahungtahmuo ama pangpa kha a hue buo vyi, cuorasala Khrih ta khrihsaabuv cunglie a tuepa haata a phasa pata a mangsang riypatana a cuo. 30 Tahematapakieca, kiema ca a pangpa chebuonote 5:30 Hluo vie caa-uv lieca a saa hne a ruv* a ta. tana ma cuo. 31 Cacuonakawta capaa ta a nung hne a paa kha thuse'a yite, a napuvnung hne khata a hlaw'a te, iema pahning ca pangkha ta ama cuo aa. 32 Hingpa hing a lesapa bieparuv cuote, kama ta Khrih hne khrihsaabuv khana a ri khing ica ta yi. 33 Cadyiseca, niema pakha cyicuo ta niema pangpa namaa duepa haakhata nama napuvnung kha due ungla, napuvnung zaw ta navaapa kha pa-uvsathyi tie ung.