13
Yoem: moo" mo Aseing tid zigi ?Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa. Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid. Hau: thang: ri anoo: loo: lapi: dape: nyid shi" mo, hang" ri nghoid loug we' nya: myhi' nya: phoo wigi ?nang gi shid: wa nghoid. Khasu" wim gari nang gi Aseing da" dang: ri ci: lho: mhau' da" dang: tid nyid? ga: tid wa zi nghoid. Hougsu" tid thang: ri we' lapi: dape: nyid shi" nghoid rigi nya: myhi' nya: phoo eig yug gi nyang: ri thau" kyang said pyam' wa zi nghoid. Hau: da" bidnyid ju" lo uri lapi: yi khayug nghoid loug we' nya: da" yoeb myang yoomo yo" khuang nyid wa zi anghoid. Lapi: dayug ti" we' yo" koid loo: wa zi anghoid. Byu yiri mhoug wa shid mo lape: da" byisheing: ri we' shau" void loo wa zi anghoid. Hau: gungthid nyang: gi ?Ngoo gi Lapi: anghoid- yoo thung" phug zo: su: danghoid. Nga" da" pyaid goin" yoo thung" moo" zei: zo: loo su: danghoid? ga: tid loo wa zi nghoid. Houg: lang" nyang: ri sube" wigi ?re" yang gang mo dam noo hid: gi ce: noem nghoid? ga: myid: boem ri ?He: zigi nga" bidnoem da" yhoem: mo dab da" dam noo nghoid? ga: tid wa nghoid.
Myhang: thang da" Aseing tid zigi ?Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid. Hau: lho: damung" goin" jang" mo mung" byu yi soem" boem mo eig boem gi shid: doem: wa zi nghoid. Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa?