9
Danyid" nyid" ri David gi ?Hid moo Sholu ikoin deungkhu: mo byu dayug yug deing nyid shigo" la". Nyid nghoid rigi Yonathan da" shid re" ngoo nyang: ri jheddab myid ci: shug nau zi nghoid? ga: tid.
Hougmoo Sholu ikoin deungkhu: mo Ziba ga: myheing da" dei zoo: dayug nyid. Nyang: gi David jhang khyoo: vang yhi: wa shid re" tid to" zi shoug" su: nghoid. Khokham gi ?Nang Ziba nghoid la"? ga: myid: bye:.
Nyang: gi ?Aseing we" re" dei zoo: nghoid nyid da? ga: doem tid.
Khokham gi nyang: gi ?Ngoo koid wa ein: Mangso shidkhoin" moo dangsoo" byid: to" ziyo' dayhang: ti" deingmain" ziyo' nheig khyeug shoomyen: khyoo: Sholu ikoin deungkhu: byu yiri ci: shug wa shid re" nyangnu" dayug yug nyid boem shi" ago" lha"? ga: myid: da:.
Ziba gi ?Yonathan zooshang: yi mo dayug nyid ashi"- nyang: gi khyid: gyau: nyid da? ga: tid.
Khokham gi ?Nyang: khamoo nyid? ga: myid:.
Ziba gi ?Nyang: Lodeba voogung mo Amiela da" nya: zoo: Makhira da" yhoem: moo nyid nyid da? ga: tid kyoo" bye:. Hougsu" nghoid yoomo khokham David gi nyang: ri khi: nhang: kaid bye:.
Yonathan da" nya: zoo: Sholu da" nya: myid: Mephiboshed ju" lang" David shidkhoin" moo phau" myang: ziyo' goeb pid bye: zi nghoid. David gi ?Mephiboshed? ga: yoid lang" nyang: we' ?Aseing: we" re" dei zoo: hid: moo nyid? ga: doem phug tid bye:.
David gi ?Agyug lhe"- re" phoo Yonathan da" jeju" yoomo nang ri ngoo nheig khyeug shoomyen: wa zi nghoid. Ngoo nang ri re" phoug" Sholu seing: to" da" mougmyid dangain" ziri doem byid: wa. Houg: lho: nang nga" zoo: shug zoobui" moo khanham we' yo" zo: nyid wa zi nghoid? ga: tid bye:.
Mephiboshed dalheing: dam goeb pid wigi ?Aseing: we"- ngoo gi lakhuid" shid: dadu: yhi' lang" amoin: loo. Ciwim yoomo nang nga" adang moo thei" ge nyid la"? ga: tid.
Hau: thang: khokham gi Sholu da" join Ziba ri khe: yu wigi ?Ngoo re" aseing: da" nya: myid: Mephiboshed ri Sholu yo' nya: ikoin deungkhu: wigi seing: da" jonu" dangain" ziri ab byid: nyid zi nghoid. 10 Nang we' re" zoo: yi we' re" join yi we' wigi re" aseing: Sholu ikoin deungkhu: byu yi shid re" yoothung" tung: yoo koid wigi gugzoo mei: loem: yhoem" yu lho: nyangnu" da" zooshug shid re" lo" pang" thoug byid: nyid ge'. Nghoid loug we' Mephiboshed koem' gi khanham we' being" voo dayug ri yhang: ti" ngoo nga" zooshug zoobui" moo do" zho" nyid wa zi nghoid? ga: tid. (Ziba gi zoo: daxe: wim: yug yo' dei zoo: eig xi: yoo" su: nghoid)
11 Ziba gi ?Nang aseing: khokham amyeing" dang: dangain" ziri ngoo koid wa zi nghoid? ga: tid.
Houg: yoomo Mephiboshed gi khokham da" nya: zooshang: dayug yhang: ti" khokham da" zooshug zoobui" mo zo: nyid bye: zi nghoid. 12 Mephiboshed gi Mikha ga: da" zooshang: zoo: dayug yo" da:. Ziba da" ikoin deungkhu: byu yi dangain" koem' gi Mephiboshed da" dei zoo: joem bue" loo bye: zi nghoid. 13 Hougsu" yoomo Yerusalem mo khyid: eig shoid goin" gyau: da" Mephiboshed gi khokham zoo: shug zoobui" moo nya: zooshug ri zo: nyid da:.